យោងទៅតាមគណនីហ្វេសប៊ុកផេករបស់អ្នកស្រី ទ្រី ដាណា បានធ្វើការផុសនៅមុននេះបន្តិចថា ៖ « បើគិតថាជីវិតអ្នកទាំងអស់គ្នាកំពុងជួបការលំបាក មើលប្អូនប្រុសម្នាក់នេះចុះ សួរគាត់ត្រួសៗដឹងរឿងខ្លះ ក្រពេកម្ដាយស្លា ប់ចោលតាំងពីអាយុ ៧ខែ ??? រស់នៅជាមួយជីដូន ជីតា នៅបាភ្នំ ព្រៃវែង ចិញ្ចឹមតាំងពីមិនទាន់ដឹងក្ដី ឯឪពុកមានប្រពន្ធថ្មី ទៅរស់នៅផ្សេង ជួយបានអង្ករ និងលុយកាក់ខ្លះប្រចាំខែ។
គាត់រៀនបានត្រឹមថ្នាក់ទី៣ ទេ គ្មានលុយកាក់រៀនត ក៏ទៅធ្វើការសំណង់ឱ្យគេតាំងពីអាយុជាង ១០ឆ្នាំ កាលឆ្នាំ២០១៦ នោះ មិនប្រយ័ត្ន ឆក់ភ្លើងនៅជាន់ទី៤ ធ្លាក់មកដល់ដី តែជីវិតថ្លៃមិនស្លា ប់ ទៅអកុសលជីដូនវិញលោកអើយ ដឹងថាចៅចឹង ក៏គាំងបេះដូងសន្លប់ និងផុតដង្ហើមបាត់ទៅ ?ដោយសារគាត់ឆក់ធ្ងន់ធ្ងរពេក ទើបពេទ្យកាត់ដៃទាំងសងខាងតាំងពីអាយុ ២២ឆ្នាំ ដូចឃើញរាល់ថ្ងៃហ្នឹង ហើយតាគាត់ អាយុ ៨៩ឆ្នាំចាប់ផ្ដើមវង្វេងហើយ មានតែគាត់ ទៅដើរដឹកគោឱ្យគេគ្រាន់បានលុយមកចិញ្ចឹមតាវិញ។
រាល់ថ្ងៃ គាត់អាយុ ២៦ឆ្នាំហើយ គាត់រៀនធ្វើការងារសព្វមុខ ឱ្យដូចគ្នាដែរ មិនតូចចិត្តនឹងជីវិតទេ។ ប៉ុន្មានថ្ងៃនេះ លឺថាគាត់យកផលិតផលខ្ញុំពីគេទៅលក់ទៀត ខ្ញុំទើបដឹងដែរ។ ពិតជាសរសើរណាស់ ប្អូនប្រុស វណ្ណា។
ខ្ញុំខំសួរ ហើយរៀបរាប់ពីជីវិតគាត់នេះ គ្រាន់ចង់ប្រាប់បងប្អូនថា គាត់គ្មានដៃទាំងសងខាង តែគាត់នៅតស៊ូរស់ គាត់មិនមកដើរសុំទានគេទេ សុខចិត្តស្វះស្វែងរកមុខរបរមួយ ដែលអាចធ្វើបានខ្លួនឯង។ នៅពេលយើងអស់សង្ឃឹម ត្រូវមើលការតស៊ូ និងរឿងដែលគាត់ធ្លាប់ឆ្លងកាត់ នោះយើងនឹងឃើញហេតុផលរាប់ម៉ឺន ដែលត្រូវប្រឹងប្រែងរស់បន្ត ?? ៕
