ភ្នំពេញ៖ ឯកឧត្ដម ខៀវ កាញារីទ្ធ រដ្ឋមន្ត្រី ក្រសួងព័ត៌មាន នៅថ្ងៃទី ២៧ ខែ មេសា ឆ្នាំ ២០២០ នេះ បានសម្រេចលុប អាជ្ញាប័ណ្ណ គេហទំព័រ ឈ្មោះ ចក្រវាឡ ធីវីអនឡាញ ដែលមានឈ្មោះ ចាន់ ឬទ្ធី ជាចាងហ្វាង ដោយសារតែ ម្ចាស់អាជ្ញាប័ណ្ណធ្វេីសកម្មភាពយកព័ត៌មាន និង ផ្សព្វផ្សាយព័ត៌មានរំលោ ភយ៉ាងធ្ងន់ធ្ងរ ខាងផ្នែកវិជ្ជាជីវៈអ្នកសារព័ត៌មាន នាំអោយប៉ះពាល់ដល់សណ្ដាប់ធ្នាប់សារធារណៈ និង បានបំពានលេីកិច្ចសន្យាជាមួយក្រសួងព័ត៌មាន ។
សូមរំលឹកផងដែរថា នៅកាលពីប៉ុន្មានថ្ងៃមុននេះ លោក ចាន់ ឫទ្ធី ចាងហ្វាងសារព័ត៌មាន ចក្រវាឡ CKV TV បានធ្វើការឡាយជាវីដេអូនៅចំនុចផ្ទះហាងលក់កាហ្វេមួយកន្លែង តាមបណ្តាញផ្លូវលេខ១៩ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ
ដែលធ្វើឲ្យមហាជនជាច្រើនបានសម្ដែងនូវការហួសចិត្ត និងរិះគន់ជាខ្លាំង ដែលចេញផ្សាយព័ត៌មានមួយចំនួនមានកាយវិការ និងពាក្យពេចន៍មិនសមរម្យមើលទៅខ្វះនូវក្រមសីលធម៌ និងវិជ្ជាជីវៈជាអ្នកសារព័ត៌មាន។ គូសបញ្ជាក់ថា អ្នកសារព័ត៌មានរូបនេះបង្ក ភាពអនាធិបតេយ្យ ច្រេីនលេីកច្រេីនសារហេីយក្រសួងព័ត៌មានក៏បានហៅមកអប់រំ និងធ្វើកិច្ចសន្យា ចំនួន ២ ដងរួចហេីយដែរតែបុគ្គលម្នាក់នេះមិនកែខ្លួននៅតែបំពាន»៕
