ដកស្រង់ទាំងស្រុងពីគណនីហ្វេសប៊ុកផេក របស់អ្នកស្រី ទ្រី ដាណា ដែលមានខ្លឹមសារយ៉ាងដូច្នេះថា៖ គ្រាន់តែទៅដល់ ភ្ញាក់ផ្អើលភ្លាមហ្មងបងប្អូន ឃើញគាត់ជិះកង់ ទាំងពិកាដៃសងខាង ??? ពិតជាគួរឱ្យសរសើរណាស់។ ពិកាមែនតែមិនសុំទានទេ សុខចិត្ត live ហាលក្ដៅ បែកញើសជោគខ្លួន ចិញ្ចឹមតាអាយុ ៨៩ឆ្នាំ ហើយនៅមានអ៊ំម្នាក់ថ្លង់ទៀត។ មនុស្សតស៊ូបែបនេះ ខ្ញុំចូលចិត្ត ខ្ញុំស្រលាញ់ណាស់។ ??
ថ្ងៃនេះ បានជួបផ្ទាល់ កាន់តែចូលចិត្តគាត់ មានឆន្ទៈ មានគោលដៅ មិនតូចចិត្តនឹងឆាកជីវិតខ្លួនឯងទេ ញញឹមជាប់ជានិច្ច។ គាត់ពិកាដៃ តាំងពីឆ្នាំ២០១៦ ដោយសារធ្វើការសំណង់ ត្រូវឆក់ភ្លើងធ្លាក់ពីជាន់ទី៤ មក។ ម្ដាយស្លាប់ចោល តាំងពីអាយុ ៧ខែ។
រឹតតែសប្បាយចិត្ត ឃើញក្មេងៗចេះជួយគាត់ បញ្ចុកបាយទឹក ហើយឆ្លៀតពេលមកជួយ live លក់ផលិតផលទៀត។ ការតស៊ូរបស់ប្អូនៗ ពិតជាធ្វើឱ្យអនាគតភ្លឺស្វាងមិនខាន ព្រោះប្អូនៗចេះតាំងពីនៅក្មេង ហើយមានចិត្តស្រលាញ់គ្នាចាក់គ្រឹះជាប់ទៅហើយ។
ចឹងហើយ បានខ្ញុំចេះតែចង់ឃើញផ្ទាល់ ពិតជារំភើបចិត្តណាស់ ជីវិតកើតមកក្រ មានតែតស៊ូបែបនេះ វាមិនខុសពីការចាប់ផ្ដើមរបស់ខ្ញុំកាលជាង១០ឆ្នាំមុនទេ។ អ្វីដែលបងអាចធ្វើបាន បងធ្វើហើយ បងជួយហើយ សង្ឃឹមថ្ងៃក្រោយប្អូននឹងប្រឹងតស៊ូដើម្បីអនាគត។???៕ សូមទស្សនាវិដេអូខាងក្រោម៖
