បើយោងតាមផេកផ្លូវរបស់ក្រសួងសាធារណការ និងដឹកជញ្ជូន បានឲ្យដឹងថា នៅពេលនេះបងប្អូនប្រជាពលរដ្ឋយ៉ាងច្រើនកុះករ ទទួលសេវាបណ្ណបើកបរនៅផ្សារទំនើបអុីអនទី១ និង២ ។
ក្រសួងសាធារណការ និងដឹកជញ្ជូន បានរៀបរាប់ថា "សូមអរគុណសម្រាប់ការទទួលសេវាបណ្ណបើកបរនៅផ្សារទំនើបអុីអនទី១ និង២ យ៉ាងច្រើនកុះករ
សូមរក្សាគម្លាត និងគោលការណ៍អនាម័យតាមការណែនាំ ដើម្បីការពារការរីករាលដាលជំងឺកូវីដ១៩ទាំងអស់គ្នា!!!
ក្រសួងសាធារណការ និងដឹកជញ្ជូន សូមអំពាវនាវ និងស្នើសុំការសហការពីបងប្អូនប្រជាពលរដ្ឋទាំងអស់ រក្សាគម្លាតតាមការណែនាំ ដោយមានការសម្របសម្រួលរបស់មន្ត្រីផ្ទាល់ពេលមកទទួលសេវាបណ្ណបើកបរ និងបន្តរក្សាភ្ជាប់គោលការណ៍អនាម័យ ពាក់ម៉ាសឲ្យត្រឹមត្រូវតាមការចាំបាច់ ដើម្បីការពារការរីករាលដាលជំងឺកូវីដ១៩ទាំងអស់គ្នា។
ក្រសួងសាធារណការ និងដឹកជញ្ជូន សូមថ្លែងអំណរគុណដល់បងប្អូនប្រជាពលរដ្ឋ ដែលបានមកទទួល និងប្រើប្រាស់សេវានៅមណ្ឌលផ្តល់បណ្ណបើកបរយានយន្ត នៅផ្សារទំនើបអុីអនទី១ និង២ យ៉ាងច្រើនកុះករក្នុងរយៈពេលថ្មីៗនេះ។
ប្រភព៖ ក្រសួងសាធារណការ និងដឹកជញ្ជូន
