បើយោងតាមគណនីហ្វេសប៊ុកស្នងការដ្ឋាននគរបាលរាជធានីភ្នំពេញ បានឲ្យដឹងថា នៅយប់ថ្ងៃទី១១ ខែឧសភា ឆ្នាំ២០២០ វេលាម៉ោង២១៖៣០នាទី កម្លាំងនគរបាលប៉ុស្តិ៍រដ្ឋបាលចោមចៅទី១ នៃអធិការដ្ឋានខណ្ឌពោធិ៍សែនជ័យ បានចេញល្បាតពួនស្ទាក់ ដេីម្បីការពារសុវត្ថិភាពជូនប្រជាពលរដ្ឋក្នុងមូលដ្ឋាន ស្រាប់តែប្រទះឃើញជនសង្ស័យធ្វើសកម្មភាពលួចរថយន្តមួយគ្រឿងម៉ាក ហាយឡេនឌ័រ ពណ៌ទឹកប្រាក់ពាក់ស្លាកលេខភ្នំពេញ2BD 9025 ស្ថិតតាមបណ្ដោយផ្លូវលំក្នុងភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យត្រូវកម្លាំងនគរបាលប៉ុស្តិ៍ដេញចាប់ ប៉ុន្តែដោយសារស្ថានភាពផ្លូវងងឹតហេីយព្រៃពិបាកក្នុងការដេញចាប់ត្រូវជនសង្ស័យរត់គេចខ្លួនបាត់ស្រមោល បន្សល់ទុករថយន្តរបស់ជនរងគ្រោះយកមករក្សាទុកនៅប៉ុស្តិ៍ចោមចៅទី១រង់ចាំម្ចាស់មកទទួល ។
បច្ចប្បន្ននេះកម្លាំងនគរបាលនៃអធិការដ្ឋានខណ្ឌពោធិ៍សែនជ័យបានទំនាក់ទំនងទៅម្ចាស់រថយន្តយកឯកសារមកត្រួតពិនិត្យរួចប្រគល់ជូនម្ចាស់ដើមវិញ៕
ប្រភព៖ ស្នងការដ្ឋាននគរបាលរាជធានីភ្នំពេញ
