ប្រិយមិត្តជាច្រើនប្រាកដជាបានជ្រាបហើយថា លោកជំទាវ ហ៊ុន ស៊ីណាត ជាប្អូនស្រីរបស់សម្តេច តេជោហ៊ុន សែន បានសម្រេចចិត្តប្តឹងតារាចម្រៀងដ៏ល្បីឈ្មោះ អ្នកនាង ម៉េង កែវពេជ្ជតា ទៅសាលាដំបូងរាជធានីភ្នំពេញ នៅព្រឹកថ្ងៃទី១៦ ខែមិថុនា ឆ្នាំ២០២០នេះ ពី"បរិហាកេរ្តិជាសាធារណៈ និងញុះញង់អោយមានការរើសអើង"។
ជាក់ស្តែងនៅក្នុងគណនីហ្វេសប៊ុក ឈ្មោះ សិល្បករកម្ពុជា បានបង្ហោះសារថា "នៅថ្ងៃនេះ លោកជំទាវ ហ៊ុន សុីណាត សំរេចដាក់បណ្តឹង តារាចំរៀងអ្នកនាង ម៉េង កែវពេជ្ជតា ពីបទ "បរិហាកេរ្តិជាសាធារណៈ និងញុះញង់អោយមានការរើសអើង" ដែលការដាក់ពាក្យបណ្តឹងនេះគឺបានមកដល់ដៃព្រះរាជអជ្ញានៃសាលាដំបូង រាជធានីភ្នំពេញហើយ ។ ជូនដំណឹងដោយលោក អុឹម ជីវ៉ា"។
បើយោងតាមពាក្យបណ្តឹងបានឲ្យដឹងថា កាលពីថ្ងៃទី៣០ ខែឧសភា ឆ្នាំ២០២០ ឈ្មោះម៉េង កែវពេជ្ជតា ដែលបានប្រើប្រាស់ ហ្វេសប៊ុក Page Meng Keo Pichenda - ពេជ្ជតា។ បានបង្ហោះក្នុងគណនីហ្វេសប៊ុកដោយបាននិយាយ "បរិហាកេរ្តិ៍ជាសាធារណៈ" និងករណី"ញុះញង់ឲ្យមានការរើសអើង" ដូចជា៖
១. មនុស្សចាស់អីអញ្ចឹង???ជួយគិតមើល! អាក្មេងនេះជាក្មេងពាលតែងតែជេរបញ្ចោរប្រមា ថថ្នាក់ដឹកនាំ និងរដ្ឋាភិបាលខ្មែរកប់ៗមាត់ តែបែរជាមីជំទាវនេះសេ ពគប់ជាមួយទៅវិញ តើព្រោះអ្វី? ក្បត់? ឬ ប្រយោជន៍អាថ៍កំបាំងណាមួយ? ហើយក្រែងមីងជំទាវនេះជាដៃគូមីង ហ៊ុន ស៊ីណាត? តើរឿងនេះមីជំទាវ ស៊ីណាតលោកដឹងទេ?
២.សូមបញ្ជាក់ៈ មិនមែនខ្ញុំតបជាមួយពួកក្បត់នេះទេ តែខ្ញុំកំពុងប្រមូលអ្វីដែលជាការបំពានរបស់ពួកគេមកលើខ្ញុំ ដើម្បទុកជាភស្តុតាង ព្រោះមុននេះ ជំទាវស៊ីណាត បានសុំឲ្យខ្ញុំលើកលែងហើយ ឲ្យខ្ញុំឈប់និយាយបានន័យថាគាត់ក៏មិនចង់មានរឿងដូច្នេះ បើគាត់អ្នកសុំ តែបែរជាគូរកនគាត់គឺយាយបូរីនេះបែរជាខំស៊ែរតែរឿងអាក្រក់ចោទ និងសំអុយឈ្មោះខ្ញុំមកផុសដូច្នេះ បានន័យថាគាត់បំពានសំដីជំទាវស៊ីណាត។ សូមបងប្អូនជ្រាបនិងកុំបន្ទោសថាខ្ញុំមិនព្រមចប់។
ប្រភព៖ សិល្បករកម្ពុជា
