ភ្នំពេញ ៖ នៅកាលពីពេលថ្មីៗនេះនៅលើបណ្តាញសង្គមហ្វេសប៊ុកបានឃើញថាមានការចែករំលែកនូវរូបថតជាច្រើនសន្លឹកដែលបានបង្ហោះដោយគណនីហ្វេសប៊ុកដែលមានឈ្មោះថា Soth Synat ហើយនៅក្នុងរូបថតនោះគឺជារូបភាពដែលបានបង្ហាញពីស្នាដៃចម្លាក់របស់កូនខ្មែរពិតៗ ។
ទន្ទឹមនិងនេះដែរឃើញថាចម្លាក់នៅក្នុងរូបភាពនោះមានដូចជា៖ រូបចម្លាក់របស់ ព្រះសង្ឃ រូបចម្លាក់របស់សត្វពស់វែក រូបចម្លាក់របស់សត្វឥន្ទ្រី រូបចម្លាក់របស់សត្វ ក្រពើ រូបចម្លាក់យក្ស និងរូបចម្លាក់សត្វដំរី ហើយរូបចម្លាក់ស្អាតៗធំៗទាំងអស់នេះគឺជាស្នាដៃដែលបានឆ្លាក់ចេញពីកូនខ្មែរទាំងអស់ ។
យ៉ាងណាមិញបន្ទាប់ពីបានឃើញដូច្នេះហើយឃើញថាមានមហាជនជាច្រើនបានសម្តែងអារម្មណ៍ភ្ញាក់ផ្អើលជាខ្លាំងព្រោះមិនដែលបានឃើញរូបចម្លាក់អីដែលមើលទៅដូចជារូបពិតៗដែលមានជីវិតអញ្ចឹងទេ នេះលើកទីមួយហើយដែលបានឃើញរូបចម្លាក់ទាំងអស់នេះ ឃើញរូបចម្លាក់នេះភ្លាមគឺពិតជាសូមសរសើរទៅដល់ទឹកដៃអ្នកឆ្លាក់ខ្លាំងណាស់ ដែលបានឆ្លាក់រូបនេះឡើងនិងមានរូបរាងស្រស់ស្អាតខ្លាំងបែបនេះ ។
សូមបញ្ចាក់ផងដែរថា ចំពោះរូបចម្លាក់ទាំងអស់នេះគឺមានវត្តមាននៅក្នុង វត្តកំពែង ដែលមានទីតាំងស្ថិតក្នុងខេត្តពោធិ៍សាត់ហេីយចម្លាក់ទាំងអស់នេះគឺធ្វើឡើងដោយសុីម៉ងត៌ ៕
