ភ្នំពេញ៖ តារាសម្តែងប្រុស លោក ជុំ ស៊ីថា បានឃ្លាតឆ្ងាយពីសិល្បៈ ហើយក្តី តែអ្នកគាំទ្រ និងតាមដានពីការរស់នៅរបស់លោក និងសុខទុក្ខរបស់លោក ព្រមទាំងប្រពន្ធកូន របស់លោកផងដែរ។
តារាប្រុសរូបនេះ បានបង្ហាញសារយ៉ាងរំភើប និងមានសុភមង្គលបំផុតនៅក្នុងជីវិត ខណៈពេលដែលភរិយារបស់លោក កំពុងតែពពោះកូននៅក្នុងផ្ទៃ ។ បច្ចុប្បន្នេះ ក្រុមគ្រួសាររបស់លោកពិតជាមានសុភមង្គលខ្លាំងណាស់ ក្រោយពេលរៀបការមកដល់ពេលនេះកូនស្រីរបស់លោកទាំងពីរនាក់ ពិតជាឆ្លាតខ្លាំងណាស់ ហើយឥឡូវនេះ ភរិយារបស់លោកកំពុងតែពពោះកូនភ្លោះថែមទៀតផង។
ជាក់ស្តែងនៅក្នុងគណនីហ្វេសប៊ុករបស់លោក បានបង្ហោះសារថា "រឿងមិននឹកស្មានដល់ ព្រឹកមិញអេកូឃើញកូនភ្លោះ ៣ សប្បាយចិត្តខ្លាំងណាស់ តែអាណិតប្រពន្ធ គាត់មាឌតូចបន្តិច មិនដឹងពិបាកយ៉ាងណាទេបាន ១០ អាទិត្យ ៣ ថ្ងៃហើយ សង្ឃឹមថាប្រុសទាំងអស់ចុះ"។
ជាមួយគ្នានោះផងដែរ ក៏មានសាទរ ពីសំណាក់មហាជនក៏ដូចជា អ្នកគាំទ្រ របស់លោកផងដែរ ដែលលោកបានទទួលបានកូនភ្លោះដ៏ទីបីនាក់ក្នុងពេលតែមួយបែបនេះ។ យ៉ាងណាមិញ តាមរយៈការផ្ដល់ដំណឹងដ៏រីករាយមួយនេះ ហ្វេនៗជាច្រើន ក៏បានចូលមកអបអរសាទរ ដល់លោកព្រមទាំងភរិយា ព្រមទាំងជូនពរឲ្យអ្នកម្ដាយកាន់តែមានសុខភាពល្អ ផងដែរ ៕
