ភ្នំពេញ៖ នៅក្នុងកិច្ចប្រជុំគណៈរដ្ឋមន្ត្រីនាព្រឹកថ្ងៃទី០៣ ខែកក្កដា ឆ្នាំ២០២០នេះ សម្តេចតេជោហ៊ុន សែន នាយករដ្ឋមន្រ្តីកម្ពុជា បានថ្លែងបញ្ជាក់ថា បញ្ហាដីធ្លីដល់ពេលដែលត្រូវតែជម្រះ និងត្រូវវះកាត់ហើយ ។
បើយោងតាម ឯកឧត្តមខៀវ កាញារីទ្ធ រដ្ឋមន្រ្តីក្រសួងព័ត៏មាន បានដកស្រង់ប្រសាសន៍សម្តេចតេជោ មកបញ្ជាក់លើបណ្តាញសង្គមហ្វេសប៊ុក ថា "រឿងដីធ្លីត្រូវតែជំរះគ្នាម្តង ។ ពេលនេះ ជាពេលដែលត្រូវធ្វើការវះកាត់ហើយ - សម្តេច ហ៊ុនសែន ក្នុងបញ្ហាដីនៅ គាស់ក្រឡ ខេត្តបាត់ដំបង មុនពេលចាប់ផ្តើមសម័យប្រជុំគណរដ្ឋមន្ត្រី ថ្ងៃទី ៣ កក្កដា ២០២០"។
គួរបញ្ជាក់ផងដែរថា បញ្ហាវិវាទដីធ្លី នៅស្រុកគាស់ក្រឡរវាងឧកញ៉ា សង ថន និងប្រជាពលរដ្ឋ បានក្លាយជាប្រធានបទយ៉ាងកក្រើក ដែលធ្វើប្រជាពលរដ្ឋខ្មែរមានការចាប់អារម្មណ៍ជាខ្លាំង។ ចំពោះបញ្ហាវិវាទដីធ្លីនេះ នាំឱ្យសម្តេចតេជោ ហ៊ុន សែន សម្រេចបញ្ចប់តំណែងអភិបាលស្រុកគាស់ក្រឡលោក ម៉ៅ សុចាន់។
លោក សង ថន ត្រូវបានចាប់ខ្លួនដោយអង្គភាពប្រឆាំងអំពើពុករលួយតាំងពីលា្ងចថ្ងៃទី២៧ ខែមិថុនា ក្រោមហេតុផលថា លោកបានប្រព្រឹត្តអំពើពុករលួយក្នុងទំនាស់ដីធ្លីមួយក្នុងស្រុកគាស់ក្រឡ ខេត្តបាត់ដំបង។ នេះ បើតាមសេចក្តីរាយការណ៍របស់បណ្តាញព័ត៌មានក្នុងស្រុក។ លោក សង ថន ត្រូវបានគេរាយការណ៍ថា លោកមានដីប្រមាណ ៥ ពាន់ហិកតា ក្នុងស្រុកគាស់ក្រឡ ខេត្តបាត់ដំបង៕
.jpg?1711253609)
.png?1711277130)
.jpg?1711449474)
.jpg?1711202579)