ប្រិយមិត្តច្បាស់ជាបានជ្រាបហើយថាកាលពី ថ្ងៃទី ២២ ខែកក្កដា ឆ្នាំ២០២០ កន្លងទៅនេះ ព្រះតេជគុណងួន ចាន់ដេវីត បានសម្រេចកោរសក់ បួសជាព្រះសង្គនៅ វត្តល្អាងកង្កែប ក្នុងស្រុកបាណន់ ខេត្តបាត់ដំបង ។
យ៉ាងណាមិញនៅថ្ងៃទី ២២ ខែសីហា ឆ្នាំ ២០២០ នេះដែរ គឺដល់ថ្ងៃដែលព្រះតេជគុណ លាចាកសិក្ខាបទ (សឹក) វិញហើយ គម្រប់១ខែ នៃការសាងព្រះភ្នូស។ ក្នុងនោះ គេឃើញវត្តមាន ឪពុក ម្តាយ របស់ព្រះតេជគុណ ដេវិត តារាចម្រៀង ទេព បូព្រឹក្ស និងញាតិញោមជាច្រើនទៀត ក៏បានចូលរួមក្នុងពិធី លាចាកសិក្ខាបទរបស់ព្រះតេជគុណងួន ចាន់ដេវីត ផងដែរ ។
ជាមួយគ្នានេះដែរ ក្រោយពីអន្ទឹត ដេវីត បានសឹកនិងត្រឡប់មកភ្នំពេញវិញស្រាប់តែលោកប្អូន២អង្គបានរំជួលចិត្តយ៉ាងខ្លាំងរហូតដល់ស្រក់ទឹកភ្នែក នេះគឺដោយសារតែអន្ទឹត ដេវីត និងលោកប្អូនមានអានុស្សាវរីយ៍ ល្អៗជាមួយគ្នាច្រើនពេកនៅក្នុងអំឡុងពេលមួយខែកន្លងទៅនេះ ។
ដោយឡែកនេះបើយោងទៅតាមការបង្ហោះរបស់គណនីហ្វេសប៊ុកមួយដែលមានឈ្មោះថា Nop Pattcha Dun បានបង្ហោះរូបភាពនិងវិដេអូដោយបានភ្ជាប់មកជាមួយនិងសារមួយឃ្លាផងដែរថា ៖ « មួយខែលឿនណាស់ បែកគ្នាហើយលោកប្អូនទាំងពី » ៕ ដើម្បីឲ្យជ្រាបកាន់តែច្បាស់សូមទស្សនាវិដេអូខាងក្រោម៖
