ប្រិយមិត្តជាច្រើន ប្រាកដជាស្គាល់តារាចម្រៀងជើងចាស់ អ្នកនាង​ ខាត់ សុ​ឃីម ក៏​ធ្លាប់​បញ្ចេញយោបល់​ពាក់ព័ន្ធ​នឹង​ការ​ធ្វើ​បុណ្យ​ ជាហេតុធ្វើឲ្យអ្នកគាំទ្រមួយចំនួន មានការពេញចិត្ត ហើយក៏មានបុគ្គលមួយចំនួន មានការមិនពេញចិត្ត ព្រោះថាការបញ្ចេញមតិរបស់អ្នកនាង បានប៉ះពាល់ដល់អ្នកលេងអនឡាញមួយចំនួនតូចផងដែរ។

ក្នុងនោះដែរ អ្នកនាង ខាត់ សុឃីម បានធ្វើការបង្ហោះវីដេអូដោយសារសម្រេចចិត្ត​បិទ​សម្អាងការ​របស់ខ្លួន​ហើយ ហើយ​ក៏បាន​បង្ហោះ​សារ និង​ឡាយ​វីដេអូ​ប្រកាស​លក់​ផ្នួង​ទាំងអស់នេះ ក្នុង​តម្លៃ​មួយ​សមរម្យ។ ការសម្រេច​បិទ​នេះ អ្នកនាង​ខាត់ សី​ឃីម បាន​លើក​ឡើង​ថា ដោយសារតែ​ខ្លួន​ត្រូវ​បើកមុខ​របរ​ថ្មី​ផ្សេង​ទៀត ហើយ​អាជីវកម្ម​របស់​ខ្លួន​លក្ខណៈ​គ្រួសារ ធ្វើ​ម្នាក់ឯង​មិនទាន់​ទេ​។ ចំពោះ​មតិ​ខ្លះ​លើក​ឡើង​ថា អ្នកនាង​ឈប់​ច្រៀង​នោះ ​អ្នកនាង​ខាត់ សុ​ឃីម អះអាង​ថា ខ្លួន​មិនបាន​ឈប់​ច្រៀង​នោះ​ទេ តែ​គ្រាន់តែ​បិទ​សម្អាងការ​ប៉ុណ្ណោះ។

យ៉ាងណាមិញ ស្រាប់តែនៅមុននេះបន្តិច អ្នកនាងខាត់ សុឃីម បានបញ្ចេញមតិមួយដែលធ្វើឲ្យមហាជនគាំទ្រជាច្រើន នូវការសរសេរបែបនេះ ដោយអ្នកនាងលើកឡើងថា “ខ្ញុំ​នឹងចាប់ផ្ដេីម​ Unfriend​ ឬលុបមិត្តភក្តិ​ចោល ចំពោះមិត្តណាដែលបានសរសេរ​អង់គ្លេស​ជា​ សូរសៀង​ខ្មែរ​ ឬសុីងខ្មែរ។ អ្វីដែល​គប្បី​សរសេរនោះ​ គឺ:

-​ សរសេរខ្មែរ​ ជា​ សូរសៀង​ខ្មែរ

-​ សរសេរអង់គ្លេស​ ជា​ សូរសៀង​អង់គ្លេស​

គោលបំណង​របស់​ខ្ញុំ​ ចង់ឱ្យ​យុវជន​សរសេរ​អក្សរ​ខ្មែរ​ ឬអក្សរ​អង់គ្លេស​ឱ្យបានត្រឹមត្រូវ​ និងកាត់បន្ថយការ​សរសេរ​ខុស​អក្ខរាវិរុទ្ធ​ផងដែរ៕(មិត្តដែលមានឈ្មោះបែកស្លុយ)សុំទោសទុកជាមុន?”៕