ប្រិយមិត្តច្បាស់ជាប្រាកដជាបានជ្រាបហើយថានៅកាលពីសៀលថ្ងៃទី២៦ ខែមករា ឆ្នាំ២០២១ មន្ដ្រីនគរបាលយុត្តិធម៌ កម្លាំងការិយាល័យស៉ើបការ នៃនាយកដ្ឋាននគរបាលព្រហ្មទណ្ឌបានចុះទៅចា.ប់ខ្លួន ឧកញ៉ា អ៊ាន សៀវម៉ី នៅផ្ទះវីឡាមួយកន្លែង ក្នុងបូរីមូនថោន នៅភូមិគោកចំបក សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។

ជាក់ស្តែងយោង​តាម​ប្រភព​ដែលទើបទទួលបាននៅថ្ងៃនេះ បាន​បង្ហើប​ឲ្យ​ដឹង​ថា បើ​គ្មាន​អ្វី​ប្រែប្រួល​ទេ លោក​ជំទាវ​ឧកញ៉ា អ៊ា​ន សៀវ​ម៉ី ជា​អ្នកលក់​ឡេ​តាម​អន​ឡាញ​ល្បីឈ្មោះ នឹង​ចូលខ្លួន​មក​បំភ្លឺ​តាម​ដីកាកោះ នៅ​ចំពោះ​មុខ​តំណាង​អយ្យការ​អម​សាលាដំបូង​រាជធានី​ភ្នំពេញ នា​វេលា​រសៀលថ្ងៃទី២៩ ខែមករា ឆ្នាំ​២០២១​នេះ ពាក់ព័ន្ធ​ករណី​បរិ.ហារកេរ្តិ៍​ជា​សាធារណៈ ញុះញង់​ឲ្យ​មានការ​រើសអើង ដែល​ប្រព្រឹត្ត​ទៅ នៅ​រាជធានី​ភ្នំពេញ។

យ៉ាងណាមិញនៅទីបំផុត លោក​ជំទាវ​ឧកញ៉ា ​អ៊ាន សៀវម៉ី ​បាន​ចូល​ខ្លួន​ទៅ​ឆ្លើយ​បំភ្លឺ​​​ ហើយ​ ហើយលទ្ធផលមិនទាន់ដឹងនៅឡើយ ទេ អ្វីដែលយើងទទួលបាននោះគឺ តុលាការអនុញាតឱ្យ​ឧកញ៉ា អ៊ាន សៀវមុី វិលត្រលប់ទៅផ្ទះវិញ ៕

សូមបញ្ជាក់ផងដែរថា«​លោកស្រី​ឧកញ៉ា អ៊ា​ន សៀវ​ម៉ី បាន​បរិហារកេរ្តិ៍ ទៅលើ​លោកជំទាវ​មាន​ឥទ្ធិពល​ចំនួន ២​រូប ហើយ​ត្រូវបាន​លោកជំទាវ​ទាំង ២​រូបនោះ ដាក់ពាក្យ​ប្ដឹង ទៅកាន់​នគរបាល​ក្រសួងមហាផ្ទៃ​ទើបឈានដល់ការនាំខ្លួនឡើងតុលាការបែបនេះ ៕