ហ្វីលីពីន៖ ប្រធានាធិបតីហ្វីលីពីនលោក Rodrigo Duterte បានព្រមានថាប្រជាជនហ្វីលីពីនណាដែលមិនព្រមទទួលនូវការចាក់ថ្នាំបង្ការ Covid-19 នឹងត្រូវប្រឈមមុខនឹងការជាប់ពន្ធនាគារ។ លោកបានផ្តល់ការព្រមាននេះនៅពេលប្រទេសហ្វីលីពីនបានក្លាយជាប្រទេសមួយក្នុងចំណោមប្រទេសអាស៊ីដែលរងគ្រោះធ្ងន់ធ្ងរបំផុតដោយរោគរាតត្បាតដែលមានករណីវិជ្ជមាន ១,៣ លាននាក់និងមានអ្នកស្លាប់ជាង ២៣.០០០ នាក់។
.jpg?1624443491)
.png?1624443504)
នេះបើយោងតាមការរាយការណ៍ពីទូរទស្សន៍ Astro Awani បានលើកឡើងពីប្រធានាធិបតីបាននិយាយនៅក្នុងសុន្ទរកថាតាមទូរទស្សន៍មួយកាលពីថ្ងៃច័ន្ទទាក់ទងនឹងការចូលរួមរបស់ពលរដ្ឋនៅក្នុងការចាក់វ៉ាក់សាំងនៅមណ្ឌលសុខភាព ក្នុងទីក្រុងម៉ានីល មានចំនួនតិចតួចខ្លាំងណាស់។
.jpg?1624443514)
.jpg?1624443515)
ទោះយ៉ាងណានៅក្នុងសេចក្ដីថ្លែងការណ៍របស់ប្រធានាធិបតីរូបនេះ បាននិយាយថា “ កុំធ្វើឲ្យខ្ញុំប្រើធម៌ក្ដៅទៅដល់អ្នកទាំងអស់គ្នាឲ្យសោះ ខ្ញុំពិតជាធុញទ្រាន់និងប្រជាជនហ្វីលីពីនណា ដែលមិនអើពើចំពោះគោលការណ៍ដែលបានដាក់ចេញដោយរាជរដ្ឋាភិបាលទាក់ទងទៅនិងការចាក់វ៉ាក់សាំងនេះណាស់”។ ក្រសួងសុខាភិបាលបាននិយាយផងដែរថា បើទោះបីមាននូវការជម្រុញនៅក្នុងការចាក់វ៉ាក់សាំងនេះក៏ដោយ ក៏ការផ្ដល់ជូននូវការចាក់វ៉ាក់សាំងនេះ ត្រូវធ្វើឡើងដោយការស្ម័គ្រចិត្ដដូចគ្នា។
.jpg?1624443565)
.jpg?1624443563)
គិតត្រឹមថ្ងៃទី ២០ ខែមិថុនាអាជ្ញាធរហ្វីលីពីនបានចាក់វ៉ាក់សាំងការពារមនុស្សចំនួន ២,១ លាននាក់។ នេះត្រូវបានគេចាត់ទុកថាគឺជាដំណើរដែលមានលក្ខណះយឺតយ៉ាវបំផុត ខណៈដែលរដ្ឋាភិបាលបានកំណត់គោលដៅដើម្បីចាក់ថ្នាំបង្ការដល់ប្រជាជនចំនួន ៧០ លាននាក់នៅឆ្នាំនេះ ដោយប្រជាជននៅក្នុងប្រទេសនេះមានប្រជាជនសរុបរហូតដល់ចំនួន ១១០ លាននាក់៕
.jpg?1624443602)
.jpg?1624443576)
សម្រួលអត្ថបទ៖ SOPHEA
ប្រភព៖ WOB
.jpg?1644931866)
.jpg?1643689348)
.jpg?1642900666)
.jpg?1638259253)
.jpg?1636353492)
