សឹងតែមិនគួរឲ្យជឿ! តារាម៉ូឌែលម្នាក់ ត្រូវប្ដីឃុំឃាំង វាយដំធ្វើបាបតាំងពីពរពោះបីខែ និងដកទូរស័ព្ទមិនឲ្យទាក់ទងសូម្បីតែជាមួយក្រុមគ្រួសារ…

វៀតណាម៖ តារាម៉ូឌែលវៀតណាមឈ្មោះ Kha Trang គឺជាតារាម៉ូឌែលនិងជានារីដ៏មានសម្រស់ស្រស់ស្អាតម្នាក់ប្រចាំប្រទេសវៀតណាម។ នាង Kha Trang ធ្លាប់ជាម៉ូឌែលលេនៅក្នុងកម្មវិធី First Sports Miss Vietnam 2012 និងជាម្ចាស់ជ័យលាភិ Gold Award Vietnam Super Model 2015 DUONG NGOC និងក្នុងឆ្នាំ ២០១៨ តំណាងវៀតណាមបានចូលរួមកម្មវិធី International Supermodel 2018 ដែលរៀបចំនៅប្រទេសថៃ ហើយបានគ្រងតំណែងជើងឯក “ Ideas of Life”។

ប៉ុន្តែអ្វីដែលនឹកស្មានមិនដល់ បន្ទាប់ពីនាងបានបាត់មុខមួយរយះពេលពីសាធារណះ ពេលនេះ វេបសាយ showbiz បានធ្វើការបង្ហាញពីស្ថានភាពរបស់នាងនាពេលបច្ចុប្បន្ន ដែលកំពុងតែត្រូវប្ដីឈ្មោះថា B កំពុងតែវាយធ្វើបាបនាងយ៉ាងដំណំ និងមានរបួសពាសពេញក្បាលនិងខ្លួនប្រាណ នៅក្នុងពេលដែលនាងកំពុងតែពរពោះ កូនតាំងពីខែទី៣ រហូតមកដល់បច្ចុប្បន្ន ដោយប្ដីរូបនាងបានឃុំឃាំងនាងទុកនៅខាងក្នុងផ្ទះ ដោយមិនឲ្យធ្វើការទាក់ទងជាមួយអ្នកខាងក្រៅនោះឡើយ សូម្បីតែក្រុមគ្រួសាររបស់នាងក៏ប្ដីចិត្ដកំណាចរូបនោះ មិនឲ្យទាក់ទងផងនោះដែរ។

បច្ចុប្បន្ននាង Kha Trang ជាម្តាយទោល ចិញ្ចឹមកូនប្រុសអាយុ៤ខែ។ នាងក៏បាននិយាយដែរថា នាងត្រូវបានប្ដីដកស៊ីមទូរស័ព្ទ និងធ្វើការមិនឲ្យប្រើប្រាស់គណនីបណ្ដាញសង្គមពេញមួយឆ្នាំ។ ដោយពេលនេះ នាង Kha Trang ទើបតែទទួលបាន Facebook របស់នាងពីមុនមកវិញ ក្រោយពីមានសំណាងបានរួចផុតពីអំពើអាក្រក់របស់ប្តីរបស់នាង! ជាងនេះផងដែរនាងបានផ្ដាំទៅមនុស្សស្រីឲ្យមានការជ្រើសរើសឲ្យបានត្រឹមត្រូវ ជាពិសេសត្រូវមានភាពរឹងមាំ សម្រាប់ខ្លួនឯង ដើម្បីងាយស្រួលកុំឲ្យមានការរំខានច្រើនទាំងផ្នែក ផ្លូវកាយ និងផ្លូវចិត្តដូចជារូបនាង៕