កម្សាន្ត ៖ មានមហាជនជាច្រើនពិតជាបានស្គាល់រួចមកហើយពីពិធីការិនីរាងតូចច្រឡឹង ជីមមី បច្ចុប្បន្នពិធីការិនី រូបនេះកំពុងតែមានប្រជាប្រិយភាពខ្លាំង ជីមមី មិនត្រឹមតែជាពិធីការនីម្នាក់ដែលមានសមត្ថភាពនោះទេ នាងក៏ជាពិធីការិនីម្នាក់ដែលមានរូបសម្ផស្សដ៏សែនស្រស់ស្អាតផងដែរ ព្រោះតែអញ្ចឹងហើយទើបធ្វើឲ្យសម្លេងគាំទ្ររបស់ ជីមមី កាន់តែមានការកើនឡើងពីមួយថ្ងៃទៅមួយថ្ងៃ ។
យ៉ាងណាមិញថ្មីៗនេះ ជីមមី ទទួលបានការចាប់អារម្មណ៍យ៉ាងខ្លាំងបន្ទាប់ពីនាងបានបង្ហោះរូបថតបង្អួតសម្រស់ជាច្រើនសន្លឹក រួចភ្ជាប់មកជាមួយនិង Caption ដ៏គួរឲ្យចាប់អារម្មណ៍មួយដែលមានអត្ថន័យបែបនេះថា ៖« ធំៗហើយមិនបាច់ឈ្លោះគ្នា ហែកហួរគ្នាលើបណ្តាញសង្គមទេ វាខាតពេលជីវិត , សម័យនេះអ្នកណារស់នៅមានក្តីសុខជាងអ្នកនោះឈ្នះហើយ ។
កុំតែដោយសារតែរស់នៅអោបភ្លើង មិនអាចធ្វើអោយខ្លួនឯងមានក្តីសុខបាន ដើរនិយាយពិតខ្លះ មិនពិតខ្លះ បង្កាច់បង្ខួចអ្នកដទៃ ទាញគេទំលាក់អោយមកក្តៅក្រហាយដូចយើងដែរទេ ។ ខំប្រឹងរស់នៅប្រើវេលាជីវិតអោយមានក្តីសុខទៅ ផ្តោតលើរឿងផ្ទាល់ខ្លួនគេច្រើនពេក វាអត់ធ្វើអោយជីវិតយើងរីកចំរើនទេ» ៕
សូមទស្សនារូបភាពបង្ហាញរាងរបស់ ជីមមី នៅខាងក្រោមនេះទាំងអស់គ្នា ៖
