កាលពីពេលថ្មីៗនេះ តារាសម្ដែងស្រីថៃ នាង Amy Klinpratum ត្រូវបានប្ដីវ័យក្មេងរបស់នាងលោក Zee Siwat  បានធ្វើការរៀបចំ​កម្មវិធី​ខួបកំណើតយ៉ាងអធិកអធមជូននាង ព្រមទាំងមានការចូលរួមពីមិត្ដភិក្ដនៅក្នុងវិស័យសិល្បៈជាច្រើន ដែលបរិយាកាសមើលទៅពិតជាសប្បាយរីករាយ និងមានសុភមង្គលជាខ្លាំង។ ​

ក្នុង​ព្រឹត្តិការណ៍​នេះ​ Amy ក៏បានធ្វើការតុបតែងខ្លួន ក្នុងសម្លៀកបំពាក់រ៉ូបយ៉ាងប្រណិត រួមជាមួយនឹងការផាត់មុខមាត់ និងការធ្វើសក់ជាដើម ដែលមើលទៅសម្រស់របស់នាងពិតជាមានភាពស្រស់ស្អាត ស៊ីចស៊ី ខ្លាំង មិនដូចទៅនឹង​អាយុរបស់នាងសោះឡើយ ព្រោះតែសម្រស់របស់នាងនៅតែមានភាពក្មេងជាងវ័យដដែល ដែលធ្វើឱ្យមហាជនមានការចាប់អារម្មណ៍ជាខ្លាំង និងធ្វើការសរសើរនាងមិនដាច់ពីមាត់នោះឡើយ។ 

នៅក្នុងនោះដែរ Amy ក៏បានបង្ហោះរូបភាព រួម​ជាមួយ​នឹង​ការ​សរសេរ​ក្នុង​ចិត្ត​ក្នុង​វ័យ​៤០​ឆ្នាំ​ថា «​ឆ្នាំនេះ ចូល​លេខ​៤​ ពេញប៉ិបតែម្ដង  មានអារម្មណ៍​ថានាង កាន់តែមានភាពចាស់ឡើងៗ  ហើយនៅពេលនេះគឺមានអារម្មណ៍ថាសប្បាយចិត្ដជាខ្លាំងព្រោះ  ក្នុងរយះពេល៤០ឆ្នាំមកនេះ នាងមានចំណុចជាច្រើនដែលខ្លួនបានឆ្លងកាត់ ខ្ញុំរីករាយដែលមានមិត្តភ័ក្តិ ក្រុមគ្រួសារដែលស្រលាញ់ និងស្មោះជាមួយពួកយើងបែបនេះ។ខ្ញុំមានអារម្មណ៍ថាសំណាងណាស់ដែលបាននៅជុំវិញខ្លួនរបស់នាងជួបដោយមនុស្សល្អៗ…”។