ភ្នំពេញ ៖ ជឿជាក់ថាមានប្រិយមិត្តជាច្រើនពិតជាបានស្គាល់លោក សឹក សិលា រួចមកហើយ ព្រោះលោកគឺជាអ្នកផលិតវិដេអូ ដ៏ល្បីឈ្មោះមួយរូបនិងជាម្ចាស់ហាងលក់ផលិតផលដ៏ល្បីឈ្មោះមួយរូបនៅក្នុងស្រុកខ្មែរយើងផងដែរ ។

យ៉ាងណាមិញក្នុងនាមលោកជាបុគ្គលដែលមានភាពល្បីល្បាញនៅក្នុងសង្គមម្នាក់ត្រូវបានគេដឹងសង្គេតឃើញថាលោក សឹក សិលា តែងតែជួយដល់សង្គមមិនថាតិចក្តីច្រើនក្តីតាមលទ្ធភាពដែលលោកមាន ជាពិសេសនោះគឺលោក សិលា មិនដែលភ្លេចនោះទេនូវការជួយចូលរួមជាទឹកប្រាក់ដល់មន្ទីរពេទ្យគន្ធបុប្ផា និងសមាគមន៍មនុស្សចាស់កម្ពុជា ។

ដោយសារតែលោក សិលា មានចិត្តទូលាយ និងមានបេះដូងមនុស្សធម៍បែបនេះហើយទើបមានប្រជាជនខ្មែរយើងជាច្រើនស្រឡាញ់គាំទ្រនិងចូលចិត្តទៅដល់រូបលោកខ្លាំងណាស់ ហើយពួកគាត់បានលើកទឹកចិត្តដល់លោក សិលា ឲ្យបន្តធ្វើចែករំលែកបែបនេះបន្តទៀតផងដែរ ៕