ភ្នំពេញ ៖ មួយរយះចុងក្រោយនេះ គេសង្កេតឃើញទាំងមហាជន និងអ្នកសិល្បះជាច្រើនបានចេញមកសម្តែងនូវមតិរៀងៗខ្លួនចំពោះរឿងរ៉ាវរបស់លោក ប៊ុត សីហា អតីតម្ចាស់ពាន The Voice Cambodia រដូវកាលទីមួយ ដែលត្រូវបានសមត្ថកិច្ចខេត្តកំពង់ស្ពឺចាប់ខ្លួនពីករណីពាក់ព័ន្ធគ្រឿងញៀន។

ក្នុងនោះដែរ ក៏មានអតីតបេក្ខភាពប្រលង The Voice Cambodia មួយរូបដែរ គឺលោក សយ រតនៈ ដែលជាបេក្ខភាពវគ្គជំរុះចុងក្រោយ Top 4 Final Round បានសរសេររៀបរាប់ នឹកស្រណោះកាលនៅប្រលងកម្មវិធីជាមួយគ្នា អមដោយរូបថតមួយសន្លឹក។

តាមរយះគណនីហ៊េសបុកផ្លូវការរបស់លោក សយ រតនៈ បានលើកឡើងដូច្នេះថា៖ “ អោយតែឃើញពត៌មានពីគាត់ខ្ញុំតែងតែនឹកឃើញកាលប្រលងជុំគ្នា The Voice Cambodia រដូវកាលទី1 រូបនេះគឺជាពេលវេលាមកសមភ្លេងប្រលង Final ជុំគ្នាបួននាក់ Top4 final round នៃកម្មវិធី The Voice Cambodia, Hmm…មិនគួរណាមានរឿងចឹងសោះ…”។