បន្ទាប់ពីលុបរូបភាពដ៏រីករាយនៅក្នុងការចេញទៅកម្សាន្តនៅប្រទេសថៃនៅក្នុងឱកាសពិធីបុណ្យចូលឆ្នាំពីបណ្តាញសង្គមរហូតមកដល់ពេលនេះតារាសម្តែង និងពិធីការិនី គង់ ចាន់ស្រីមុំ នៅរក្សាភាពស្ងប់ស្ងាត់នៅឡើយ ។ ខណៈអ្នកគាំទ្រមួយចំនួនបានបង្ហាញការរិះគន់ហើយអ្នកខ្លះថែមទាំងប្រកាសលែងគាំទ្រចំពោះតារាសម្តែង គង់ ចាន់ស្រីមុំ ថែមទៀត ។

បើទោះបីជាបានលុបរូបភាពក្នុងការទៅកម្សាន្តនៅក្នុងពិធីសង្រ្កាន្តនៅប្រទេសថៃក៏ពិតមែន តែអ្នកគាំទ្រជាច្រើននៅតែបន្តរិះគន់ដល់តារាសម្តែង គង់ ចាន់ស្រីមុំ ជាបន្តបន្ទាប់ ។ ថ្មីៗនេះទៀតសោតក៏មានផេកថៃមួយបានប្រមូលផ្តុំរូបភាពរបស់តារាសម្តែង គង់ ចាន់ស្រីមុំ ទៅលេងនៅប្រទេសថៃនាពេលកន្លងមកដោយភ្ជាប់ដោយសារខ្លីអរគុណដល់ គង់ ចាន់ស្រីមុំ និងស្វាមគន៍ចំពោះការមកលេងនៅប្រទេសថៃ ។ អ្វីដែលកត់សម្គាល់បើទោះទទួលរងការរិះគន់ពីសំ ណាក់អ្នកលេងបណ្តាញសង្គមដែលរួមមានទាំងអ្នកសិល្បៈក្តី តែ គង់ ចាន់ស្រីមុំ មិនបានចេញមុខប្រតិកម្មឬសុំទោសអ្វីឡើយពោលអ្នកនាងនៅរក្សាភាពស្ងប់ស្ងាត់និងមិនបានបង្ហោះរូបភាពអ្វីជាបន្តនៅក្នុងបណ្តាញសង្គមទៀតឡើយ ។

យ៉ាងណាមិញ ក៏ឃើញវត្តមានលោក​ ផែង វណ្ណៈបានសរសេររៀបរាប់ខាងក្រោមថា សួរថា​គាត់​ខុស​អី​ ? គ្រាន់​តែ​គាត់​ទៅលេង​នៅថៃ​ នាំ​គ្នា​ជេរ​ប្រមាថគាត់​ ? តាមខ្ញុំដឹង​ ខ្មែរ​ច្រើន​ណាស់​ទៅលេងថៃ​ ទៅលេង​ អ៉ឺរ៉ុប​ ទៅលេង​ អូស្រ្តាលី​ ទៅលេង​ វៀតណាម​ ទៅលេង​ សាំងហ្គាពួរ​ ។ ល​ ។ ព្រោះ​គាត់​ទំនេរ​ពេល​ចូលឆ្នាំ​ ហេីយ​ជា​សិទ្ធិ​សេរីភាព​របស់​គាត់​ លុយរបស់គាត់​ ។ ខ្ញុំហួសចិត្ត​ពេល​ឃើញ​ គេនាំ​គ្នា​ជេរ​គាត់​ រហូត​អ្នក​ខ្លះ​ ទាមទារ​អោយគាត់​សុំទោសថែមទៀត​ ។ សុំទោស​រឿងអី​ ? គិតទៅ​ អ្នក​ប្រេី​ហ្វេសប៊ុក​មួយ​ចំនួន​ តាប៉ែមែន​ ឃើញ​គេ​មាន​បាន​ គេល្បី​ កេីតរោគច្រណែន​ ឈ្នានីស​ គេ​ ទាំងគេមិនបានដឹងរឿងអីសោះ​ ។ បេី​ប្រកាន់​នាង​ប្រេីកាំភ្លេីង​បាញ់ទឹក​ ចុះនៅ​ខ្មែរ​ មនុស្ស​រាប់​លាន​នាក់​ ប្រេី​កាំភ្លើង​បាញ់​ទឹក​ដែរ​ មិន​គាំទ្រ​ថៃដែរទេ​ ? សរសេរ​មិនអស់​សេចក្ដី​ទេ​ ពេល​ជា​ និយាយ​ វីដេអូ​ បាន​អស់​សេចក្ដី​ ។

បន្ទាប់ពីសរសេរបែបនេះហើយ ស្រាប់តែមានមតិមួយឈ្មោះថា Bong Makara បើសួរថាខុសអត់មិនខុសទេលោកពូ តែបើសួរថាគួរឬអត់ ក្នុងនាមជា សិល្បៈជួរមុខម្នាក់ដែររបស់កម្ពុជា ? ខ្ញុំមិនហ៊ានវិនិច្ឆ័យទេ ។ មួយវិញទៀតខ្ញុំគិតថាមិនមែនបងប្អូនយើងមិនសប្បាយចិត្តរឿងគាត់លេងកាំភ្លើង ឬទៅលេងថៃទេ តែគេមិនសប្បាយចិត្តត្រង់គាត់ទៅថតអបអរជាមួយ អក្សរខាងក្រោយ "SANGKRAN MAHANAKHON" ដែលថៃទើបតែលួចយកទៅចុះបញ្ជីបានសម្រេចទៅវិញទេ ហើយខណៈពេលដែលយើងកំពុងមិនសប្បាយចិត្តរឿងនេះផង ដូចលោកពូបានជ្រាបអញ្ចឹង ។

ភ្លាមនោះលោកពូ ផែង វណ្ណៈក៏បានតបទៅវិញថា ចុះ​បងប្អូន​ខ្មែរ​ទៅលេង​ អ៉ឺរ៉ុប​ ថតមុខ​ឆាក​ គេរៀបចំ​បុណ្យ​ ណូអែល​ ខុស​ដែរ​ ? គាត់​ទៅលេង​ចូលឆ្នាំ​នៅថៃ​ យេីងអោយថៃ​ សរសេរ​ របៀបម៉េច​វិញ​ យេីង​គ្រាន់​តែ​ជា​ភ្ញៀវ​ទេសចរ​ ? ដូច​ភ្ញៀវ​ទេសចរ​បរទេស​មកលេងច្រេីន​នៅ​ សៀមរាប​ កំពង់​សោម​ តេី​អោយយេីង​សរសេរ​ អក្សរ​ តម្រូវ​ភ្ញៀវ​ទេសចរ​ ឬ​ សរសេរ​ក្នុង​នាមយេីង​ជា​ម្ចាស់​ផ្ទះ​៕