មន្ត្រីនគរបាលចរាចរណ៍ខេត្តកណ្ដាល រត់ចោលគោលដៅបាញ់ល្បឿន បន្ទាប់ពីបង្ករបញ្ហាជាមួយប្រជាពលរដ្ឋធ្វេីដំណេីរតាមដងផ្លូវរួចមក ។ ហេតុការណ៍នេះកេីតឡេីងនៅផ្លូវជាតិលេខ ៣ ស្ថិតនៅឃុំ អន្លង់រមៀត ស្រុកកណ្ដាលស្ទឹង ខេត្តកណ្ដាល ថ្ងៃទី ២ ខែ មេសា ឆ្នាំ ២០២៥ ។
មូលហេតុគឺ មន្ត្រីនគរបាលចាចរណ៍ដែលឈរពួនស្ទាក់នៅផ្លូវជាតិលេខ៣ បានស្ទុះចេញមកឃាត់រថយន្ត pick up ហ្វត មួយគ្រឿងដែលកំពុងបេីកបរត្រឹមត្រូវតាមល្បឿនកំណត់ ម្ចាស់រថយន្តហ្វតបានជាន់ហ្រ្វាំងភ្លាមៗ ស្រាប់តែមានរថយន្ដមួយគ្រឿងទៀតបេីកមកបុករថយន្ត ហ្វតពីក្រោយ ។
ឃេីញហេតុការណ៍គ្រោះថ្នាក់ចរាចរណ៍បែបនេះ មន្ត្រីចរាចរណ៍ដែលជាអ្នកបង្ករហេតុមិនបានចុះវាស់វែងដេីម្បីរកដំណោះស្រាយអោយប្រជាពលរដ្ឋទេ បែជានាំគ្នាបេីករថយន្តគេចចេញពីគោលដៅអស់តែម្ដង ។
ទង្វើរបស់មន្ត្រីនគរបាលចរាចរណ៍ទាំងនោះ ត្រូវបានមហាជនរិះគន់យ៉ាងខ្លាំងលេីបណ្ដាញសង្គមហ្វេសប៊ុកព្រោះតែមន្រ្តីទាំងនោះមិនទទួលខុសត្រូវលេីទង្វេីរបស់ខ្លួន ។
ពាក់ព័ន្ធទង្វើខាងលើ លោកឧត្ដមសេនីយ៍ទោ ឈឿន សុចិត្រ ស្នងការនគរបាលខេត្តកណ្ដាល កំពុងស្រាវជ្រាវរកការពិត ប្រសិនបេីរកឃេីញថាមន្ត្រីចរាចរណ៍ស្ថិតនៅក្រោមឱវាទរបស់លោកធ្វើអោយប៉ះពាល់ដល់ប្រជាពលរដ្ឋពិតប្រាកដមែន លោកនឹងមិនយោគយល់ទេ គឺត្រូវដាក់វិន័យកងកម្លាំងនគរបាលជាតិអោយបានធ្ងន់ធ្ងរបំផុត ។ ដកស្រង់ពី ៖ Pheng Vannak News
