ភ្នំពេញ ៖ បុរសពីរនាក់បានរងរបួសធ្ងន់ធ្ងរ​ ហើយត្រូវបានរថយន្តសាមុយដឹកបញ្ចូនទៅកាន់មន្ទីពេទ្យឯកជនភ្លាមៗ ព្រោះតែមានរថយន្តតាក់សីុម៉ែត្រមួយគ្រឿងបានបើកឆ្លងកាត់ផ្លូវមិនគោរពភ្លើងស្ទុប ក៏ត្រូវជនរងគ្រោះជិះម៉ូតូឌុបគ្នាមកបុកចំពីចហៀងខាងមុខពេញទំហឹង។

ហេតុការគ្រោះថ្នាក់ចរាចរណ៍ខាងលើនេះ បានកើតឡើងកាលពីេវលាម៉ោង​ ២២​ នឹង​ ៣០នាទី​ យប់ថ្ងៃទី​១៨​ ខែមេសា​ ឆ្នាំ​ ២០១៨​ ដោយករណីនេះស្ថិតនៅចំណុចផ្លូវមហាវិថីព្រះនរោន្តម​ កែងនិងផ្លូវលេខ២១៤ ក្នុងសង្កាត់​ ចតុមុខ​ ខណ្ឌ​ដូនពេញ​ រាជធានី​ភ្នំពេញ​ ។ យោងតាមសម្តីអ្នកឃើញករណីខាងលើបានអោយដឹងថា មុនពេលមានករណីគ្រោះថ្នាក់ចរាចរណ៍នេះ​ គឺមានបុរសពីរនាក់បានជិះម៉ូតូមួយគ្រឿងម៉ាក់​ ស្មាស​ ពណ៌ស​ ពាក់ស្លាកលេខ​ 1M-4447 បានឌុបគ្នាធ្វើដំណើរតាមបណ្តោយផ្លូវព្រះនរោត្តម​ ទិសដៅពីត្បូងទៅជើង​ក្នុងល្បឿនលឿន​ លុះដល់ចំណុចភ្លើងស្តុបកែងផ្លូវលេខ​២១៤​ ក៏ស្រាប់តែមានរថយន្តតាក់សីុម៉ែត្រមួយគ្រឿង​ ពាក់ស្លាកលេខ​ ភ្នំពេញ​ 2AP-8692 បានបើកឆ្លងកាត់ទទឹងផ្លូវ ទាំងស្ទុបពណ៌ក្រហម ក៏ត្រូវបានជនរងគ្រោះជិះម៉ូតូឌុបគ្នានោះជ្រុលទៅបុកពីចំហៀងយ៉ាងពេញទំហឹងតែម្តង​ បណ្តាលឲ្យបុរសដែលជិះម៉ូតូរងរបួស​ធ្ងន់ទាំង២នាក់ ដោយម្នាក់បាន​រងបួសបាក់ជើងនឹងម្នាក់ទៀតបានរងរបួសបែក​ក្បាល​ ចំណែកម៉ូតូត្រូវរងការខូចខាតផ្នែកខាងមុខទាំងស្រុងតែម្តង​ ឬឯរថយន្តតាក់សីុម៉ែត្រត្រូវខូចខាតចំហៀងខាងស្តាំ។ ក្រោយពេលកើតហេតុភ្លាម អ្នករងរបួសត្រូវបានរថយន្តសង្គ្រោះដឹកយកទៅកាន់មន្ទីរពេទ្យភ្លាមៗ​ ចំណែកអ្នកបើករថយន្តតាក់សីុម៉ែត្រ​បានចុះរត់ចោលរថយន្តបាត់ស្រមោល​ ។ ហើយចំពោះម៉ូតូនឹងរថយន្តតាក់សីុត្រូវបានសមត្ថកិច្ចវាស់វែងអូសយកទៅរក្សាទុកនៅការិយាចរាចរណ៍ជើងគោករាជ​ធានីភ្នំពេញ​រង់ចាំដោះស្រាយនាពេល​ក្រោយ៕ ដោយ៖ ភារ៉ា