បើមើលការតុបតែងខ្លួនតារាសម្ដែងស្រីសាច់សខ្ចី ដេននីក្វាន់ ហាក់ចូលចិត្តភាពសិចស៊ីខ្លាំង ប៉ុន្ដែនាងបានធ្វើអោយមហាជនកោតសរសើរនូវទឹកចិត្តសប្បុរសធម៌របស់នាងយ៉ាងខ្លាំង ។

រឿយៗតារាសម្ដែងដើមទ្រូងធំទ្រលក់ទ្រលន់ ដេននីក្វាន់ តែងឆ្លៀតពេលនាំយកអំណោយតិចតួចដែលចេញពីទឹកចិត្តរបស់នាងទៅចែកជូនចាស់ជរាគ្មានទីពឹង និងប្រជាពលរដ្ឋជួបការលំបាកខ្វះខាតតាមតំបន់ដាច់ស្រយាលផងដែរ។ ជាក់ស្ដែងនៅថ្ងៃនេះដែរ កញ្ញា ដេននីក្វាន់ បានអោយដឹងថា៖ «ថ្ងៃនេះនាងខ្ញុំពិតជាមានអារម្មណ៏សប្បាយរីករាយ ជ្រះថ្លា ក្នុងចិត្តយ៉ាងខ្លាំង ដោយថ្ងៃនេះនាងខ្ញុំបាន នាំយក អំណោយ ព្រមទាំងថវិកា ផ្ទាល់ខ្លួនមួយចំនួន យកទៅចែកជូន ដល់លោកយាយលោកតាចាស់ជរា គ្មានទីពឹង ទីទល័ក្រ មានសុខភាពទ្រុឌទ្រោម លំបាកខ្លាំង ចំនួន 4គ្រួសារ ដែលរស់នៅ ភូមិដងក្តា ឃុំក្រយា ស្រុកសន្ទុក ខេត្តកំពង់ធំ ។ ក្រោយពេលជួបគាត់ អ្វីដែលខ្ញុំរំភេីបនោះ គឺ ស្នាមញញឹម ពួកគាត់ ដែលពួកគាត់ត្រេកអរ និង បង្ហាញក្តីស្រលាញ់ត្រលប់មកវិញ នេះជាសេចក្តីសុខ សម្រាប់ខ្ញុំទាំងផ្លូវចិត្ត និង ផ្លូវកាយ ។ ដោយសេចក្តីគោរព ដេននីក្វាន់»