ខេត្តកណ្តាល ៖យ៉ាងហោចណាស់មានជនរងគ្រោះម្នាក់បានស្លាប់ភ្លាមៗនិងម្នាក់ទៀតរងរបួសធ្ងន់ដោយមានរថយន្ត០២គ្រឿងបានបុកគ្នាចំពេញទំហឹងហើយជ្រុលចង្កូតទៅបុករោងការនិងហេតុការណ៍នេះបានកើតឡើងនៅថ្ងៃសុក្រ ១៣កើត ខែពិសាខ ឆ្នាំច សំរឹទ្ធិស័ក ព-ស២៥៦១ ត្រូវនិងថ្ងៃទី២៧ ខែមេសា ឆ្នាំ២០១៨ វេលាម៉ោង១៧និង៥០នាទីនៅចំណុច ផ្លូវលេខ២១ស្ថិតក្នុងភូមិឬស្សីដាច់ ឃំុព្រែកអំបិល ស្រុកស្អាង ខេត្តកណ្តាល ។

បើតាមលោកវរសេនីយ៍ឯក សេង សុជាតិ អធិការស្រុកស្អាងបានឱ្យដឹងថា៖ មានរថយន្តម៉ាកវីស្តូពណ៍ទឹកប្រាក់ ពាក់ផ្លាកលេខ ភ្នំពេញ 2AE-8952 បើកបរដោយឈ្មោះលឿង ថៃឡឺយ ភេទប្រុស អាយុ៣០ឆ្នាំជនជាតិវៀតណាមមានមុខរបរ មានទីលំនៅ ឃុំខាន់អាង ស្រុកអាន់ភូ ខេត្តអាងយ៉ាងប្រទេសវៀតណាមបានធ្វើដំណើរក្នុងទិសដៅពីត្បូងមកជើង លុះពេលមកដល់ចំណុចកើតហេតុខាងលើក៏បានវេចង្កូតចូលទៅបុករថយន្តធំម៉ាកហិុនដាយ ពណ៍ស ពាក់ផ្លាកលេខព្រះសីហនុ3A-5568 បើកបរដោយឈ្មោះណុល ម៉េងហុង ភេទប្រុស អាយុ១៩ឆ្នាំមុខរបរបើកបររថយន្ត រួមដំណើរជាមួយឈ្មោះគា ឆាង ភេទប្រុស អាយុ១៩ឆ្នាំព្រូរថយន្ត មានទីលំនៅភូមិព្រែកសុឹងឃុំសំពៅពូនស្រុកកោះធំ ខេត្តកណ្ដាល ជាមួយគ្នាដែលកំពុងបើកបរ (បញ្ច្រាស់ទិសគ្នា)ពីជើងមកត្បូង លុះមកដល់ត្រង់ចំណុចកើតបានបុកគ្នាចំពេញទំហឹងបណ្ដាលអោយ អ្នកបើកបររថយន្តតូចគៀបស្លាប់ភ្លាមៗនៅក្នុងរថយន្ត និងធ្វើអោយរថយន្តធំជ្រុលចង្កូតទៅបុកឈ្មោះ ម៉ាន់ ម៉ុន ភេទប្រុសអាយុ៦៥ឆ្នាំមុខរបរកសិករមានទីលំនៅភូមិឬស្សីដាច់ ឃព្រែកអំបិលុំ ស្រុកស្អាង ខេត្តកណ្ដាលដែលកំពុងឈរទទួលភ្ញៀវនៅលើចិញ្ចើមផ្លូវខាងកើតរងរបួសធ្ងន់និងខូចខាតម៉ាសីុនថតវីតដេអូ-ភ្លើងLED-កៅអីកាត់សក់-ជើងថតវីតដេអូ មួយចំនួនទៀត ។ បន្ទាប់ពីទទួលបានព័ត៍មានភ្លាៗសមត្ថកិច្ចយើងបានចុះពិនិត្យទីកន្លែងកើតហេតុនិងវាស់វែងយកវត្ថុតាងមករក្សាទុកនៅអធិការដ្ឋាននគនរបាលស្រុកស្អាង ដើម្បីកសាងសំណុំរឿងទៅតាមនីតិវិធីនៃច្បាប់ ។ ចំណែកជនរងគ្រោះត្រូវបានក្រុមគ្រួសាដឹកយកទៅសង្គ្រោះនៅមន្ទីរពេទ្យកាល់ម៉ែត្រ រាជធានីភ្នំពេញរីឯសាកសពបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី។ចំពោះអ្នកបើករថយន្តធំបាននាំយកមកសាកសួរនៅអធិការដ្ឋាននគរបាលស្រុលស្អាង ។ ករណីនេះបង្កឡើងដោយអ្នកបើកបររថយន្តតូចបើកចូលស្ដាំរបស់រថយន្តធំដោយធ្វេសប្រហែសខ្វះការប្រុងប្រយ័ត្នចំណែកអ្នកបើកបររថយន្តធំបើកក្នុងល្បឿនលឿនខ្វះការប្រុងប្រយ័ត្នទើបបង្កអោយមានគ្រោះថ្នាក់កើតឡើង៕