ពិតជាកំសត់ណាស់! នាយ ឆើត បង្ហោះសារត្អូញត្អែរ ហាក់បីដូចជាអស់សង្ឃឹមក្នុងឆាកជីវិត និងសុំឲ្យអ្នកគាំទ្រចងចាំរូបលោក ខណៈការងារសិល្បៈត្រូវបាន..

ភ្នំពេញ៖ មុននេះបន្តិច តារាសម្តែងប្រុសតួជនពាលចាប់ជំរិត លោក ពៅ គីសាន់ ហៅនាយ ឆើត បានបង្ហោះសារហាក់ដូចអស់សង្ឃឹមក្នុងឆាកជីវិតលើបណ្តាញសង្គមហ្វេសប៊ុកថា “សម្រាប់ខ្ញុំគ្មានពេលសប្បាយដូចអ្នករាល់គ្នាគិតនោះទេ ប្រឡូកក្នុងវិស័យសិល្បៈជិតមួយជិវិតហើយ មិនទាន់មានអ្វីសល់ជាដុំកំភួនដូចគេឡើយ រកបានមួយគ្រប់សំរាប់រស់រាល់ថ្ងៃប៉ុណ្ណោះ” ។

ក្រោយពីបានដឹងដំណឹងនេះបានធ្វើឲ្យអ្នកគាំទ្រជាច្រើនពិតជាមានអារម្មណ៍ថាក្តុកក្តួលខ្លាំង ស្របពេលដែលតារារូបនេះបានបម្រើការងារសិល្បៈអស់រយៈពេលជាង៣០ឆ្នាំនោះ។

តារាសម្តែង និងតារាកំប្លែងមុខកាច នាយ ឆើត មិនមែនប្រកបរបរសិល្បៈតែមួយមុខឡើយ ដោយឆ្លៀតទៅរត់ម៉ូតូឌុប ធ្លាក់ស៊ីក្លូ លក់ទឹកត្រី បើកឡានឲ្យគេជាដើម ព្រោះត្រូវរ៉ាប់រងជាច្រើនទាំងថ្លៃផ្ទះជួល ទឹកភ្លើង ម្ហូបអាហារ ហើយក្នុងនាមជាមេគ្រួសារដែលមាន ម្តាយ បងប្អូន និងកូននៅក្នុងបន្ទុក ។ ទោះបីជាជីវិតមិនបានធូរធារដូចគេ នាយ ឆើត នៅតែសប្បាយចិត្តពេលដែលឃើញកូនៗ លោកទាំងអស់ដើរដោយគន្លងធម៌ មិនសេពនឹងគ្រឿងញៀន ផ្តេសផ្តាស ហើយចេះគិតគូរដល់នាយ។