តារាចម្រៀងដ៏មានប្រជាប្រិយភាពប្រចាំផលិតកម្មរស្មីហង្សមាស លោក ឆន សុវណ្ណារាជ ទទួលបានការគាំទ្រជាច្រើនពីសំណាក់មិត្តៗយុវវ័យ ស្រាប់តែពេលនេះលោក​បានធ្វើឲ្យអ្នកគាំទ្រមានការរំភើបជាខ្លាំង ដោយរូបលោកបានចែករំលែកក្តីស្រលាញ់ ចំពោះមនុស្សជុំវិញខ្លួនជានិច្ច។ តារាចម្រៀងរូបនេះ ក៏បានធ្វើការបង្ហោះរូប អមជាមួយពាក្យពេចន៍ថា "មិនមានអីច្រើនទេតែជាការចែករំលែកក្តីស្រលាញ់និងទឹកចិត្តបន្តិចបន្តួចពីគ្រួសារបស់ខ្ញុំ ជូនចំពោះក្មួយៗនិងប្អូនៗទាំងអស់គ្នា អរគុណដល់លោកនាយកនិងលោកគ្រូទាំងអស់ដែលបានជួយសំរួលដល់យើងខ្ញុំ"។ យ៉ាងណាមិញ តារាចម្រៀង រូបសង្ហា លោក ឆន សុវណ្ណារាជ ក៏មិនអាចបំភ្លេចនូវការតបស្នងសងគុណ ចំពោះអ្នកមានគុណ រួមជាមួយទឹកចិត្តដ៏ស្រស់ថ្លា ពេលដែលបានជួនអ្នកម្តាយមកដល់ស្រុកកំណើតរបស់ខ្លួននោះ។