អ្នកលេងនៅក្នុងបណ្តាញសង្គមអ៊ិនធឺណេតថៃ ក្រោយពីបានឃើញរូបភាព ម្ចាស់ក្រុមហ៊ុនល្បែងស៊ីសងមួយ បានអួតបង្ហាញលុយដុំៗ ព្រមជាមួយនឹងឡានស៊េរីទំនើប ហើយថែមទាំងមានពាក្យពេជ្រអរគុណអតិថិជនទាំងអស់ដែលបានមកភ្នាល់។ កាលពីពេលថ្មីៗនេះ មានការស៊ែររូបមួយឈុត ធ្វើអោយសង្គមថៃមានការភ្ញាក់ផ្អើលដូចគេកាប់ ដោយនៅថ្ងៃទី ០៤ មីនា ២០១៦ មានការស៊ែររូបភាពចេញពី Group Line មួយ ដែលមានអមដោយនិយាយថា «ម្ចាស់ល្បែងស៊ីសងកម្ពុជា…តែលុយសុទ្ធតែបាតថៃដុំៗ មានតែភ្ញៀវជាជនជាតិថៃហើយ មានហើយ មានហើយ »(“เจ้าของบ่อนเขมร…แต่เงินบาทไทยล้วน ๆ มีแต่ลูกค้าคนไทยเท่านั้น รวยเละ รวยเละ”)។

ក្នុងរូបនេះ គឺជារូបប្រុសម្នាក់ដែលគេអះអាងថា ជាម្ចាស់ល្បែងស៊ីសងនៅក្នុងប្រទេសកម្ពុជា បានថតរូបជាមួយលុយមួយចំនួនធំ ដែលសុទ្ធសឹងជាលុយបាត បន្ទាប់មកមានរូបដែលថតជាមួយ នឹងឡានទំនើប ថ្មីទើបបកពីកេស ទៀតផង។ តែអ្នកខ្លះបានសង្កេតថា បុរសនៅក្នុងរូបគោរព ដល់ស្ដេចថៃ មានទាំងពាក់ខ្សែរកររូបស្ដេចថៃ ហើយឡានក៏ផ្លាកលេខថៃ ធ្វើអោយមានការសន្និដ្ឋានថា គាត់ជាជនជាតិថៃ ដែលបានចូលទៅបើកបនល្បែងនៅប្រទេសកម្ពុជា ព្រោះប្រទេសថៃមិនអាចអោយមានការបើកបនល្បែងបាន។ ប្រភព៖ kapook