កំពត៖ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៨និង៥០នាទីព្រឹក​ថ្ងៃទី៣ ខែមិថុនា ឆ្នាំ២០១៨នេះ លើ​កំណាត់​ផ្លូវជាតិ​លេខ៣ កំពត.ព្រះសីហនុ ចំណុច​ខាងលិច ផ្លូវ​ចូល​កំពុងផែ​ថ្មី​វិញ​ហួរ ចម្ងាយ ១០០ម៉ែត្រ ស្ថិតក្នុង ភូមិ​គីឡូ១២ ឃុំ​កោះ​តូច ស្រុក​ទឹកឈូ ខេត្តកំពត។

មុនពេល​កើតហេតុ គេ​ឃើញ​រថយន្ត​ដឹកជញ្ជូន ធន់​ធំ ម៉ាក ហ៊ី​យិន​ដាយ ពណ៌​ស ពាក់​ស្លាក លេខ សៀមរាប 3A-1505 បើកបរ​ក្រោម​មេឃ កំពុង​ធ្លាក់ភ្លៀង ក្នុង​ល្បឿន​លឿន ទិសដៅ​ពី​លិចទៅ​កើត លុះ​ជិត​ដល់​ចំណុចកើតហេតុ បាន​បើក​វ៉ា​ម៉ូតូ មួយគ្រឿង ហើយក៏​រអិល ជ្រុល​ទៅបុក​រថយន្ត​ធន់​ធំ មួយគ្រឿង​ទៀត ម៉ាក​ហ្វុ​យ​សូ ពណ៌​ស ដែល​ខ្ទាត​ស្លាក​លេខ​ធ្លាក់​បាត់ ក្នុងទិសដៅ​ប​ញ្ជ្រា​ស់​គ្នា លាន់​ដូច​រន្ទះបាញ់​ក៏​បណ្តាល​ឲ្យ តៃកុង​និង​ព្រូ​រថយន្ត ពីរ​នាក់ ដែល​មិនទាន់​ស្គាល់ឈ្មោះ រងរបួស​ធ្ងន់។ រីឯ​អ្នកបើកបរ​រថយន្ត​ហ៊ី​យិន​ដាយ សំណាងល្អ ក្រោយ​ហេតុការណ៍​ភ្លាម បាន​ចុះ​រត់​គេចខ្លួនបាត់ ៕ ប្រភពៈ កូន ខ្លាតូច