អតីតទាហានជើងទឹក លោក Samarn Kunan ដែលស្លាប់ពេលប្រតិបត្តិការជួយដល់ក្មេងទាំង១៣នាក់ ពេលនេះកូនស្រីទាំងបីនាក់របស់លោកត្រូវរស់នៅដោយគ្មានប៉ាៗ ...

អតីតទាហានជើងទឹក របស់ថៃម្នាក់ បានស្លាប់ ទុកឲ្យកូន ៣នាក់រស់នៅកំព្រា ក្នុងប្រតិបត្តិការ មុជទឹក ជួយសង្គ្រោះ ក្មេងៗ១២នាក់ និងគ្រូបង្វិកម្នាក់នៅក្នុងល្អាងភ្នំ។ ប្រទេសថៃ៖ អតីតកងទ័ពជើងទឹកខាងលើ បានស្លាប់ នៅវេលាម៉ោង ២ទៀបភ្លឺ ថ្ងៃសុក្រ ទី០៦ ខែកក្កដា ឆ្នាំ២០១៨ ដោយសារតែ កង្វះខ្យល់ អុកស៊ីហ្សែន ខណៈព្យាយាម វិលត្រឡប់ មកកាន់ ជំរុំវិញ ដែលស្ថិតនៅចម្ងាយ ២គីឡូម៉ែត្រ ក្នុងរូងភ្នំនោះ។ បើយោងតាម គេហទំព័រ សារព័ត៌មានថៃ បានឲ្យដឹងថា ជនរងគ្រោះមានឈ្មោះ Samarn Kunan អាយុ ៣៨ឆ្នាំ។ លោក Kunan គឺជាអ្នកនាំ យកបំពង់ អុកស៊ីហ្សែន ពីរូងទី៣ នៃរូងភ្នំខាងលើ។ លោកបានចាប់ផ្ដើម ជ្រមុជទឹក នៅវេលាម៉ោង ៨ និង ៣០ នាទីយប់។ ជាអកុសល តាមផ្លូវ ត្រលប់មកវិញ លោកក៏បាន បាត់បង់ស្មារតី គ្រូពេទ្យ បានជួយ សង្គ្រោះដែរ តែមិនអាច ជួយបាន។