បញ្ហាកប់ត្រចៀកក្រាញ់ កើតឡើងដោយសារតែក្រចកជើងដុះចាក់ចូលទៅក្នុងសាច់ ជាពិសេសមើលជើងទាំងសងខាង។ បើបណ្តោយទុកយូរ អាចបង្កទៅជាហើម កើតខ្ទុះស្អុយ និងមានការឈឺចាប់ខ្លាំង។

សូមណែនាំរូបមន្តធម្មជាតិៗព្យាបាលបញ្ហាកប់ត្រចៀកក្រាញ់៖ *វិធីទី១៖ គ្រឿងផ្សំ៖ អំបិល វិធីធ្វើ និងប្រើប្រាស់៖ -លាយទឹកក្តៅឧណ្ឌៗ ជាមួយអំបិល ១ស្លាបព្រាកាហ្វេ -ត្រាំបប្រមាណ ៥ ទៅ ១៥នាទី។ ការត្រាំនេះនឹងជួយបំបាត់ការឈឺចាប់បានភ្លាមៗ ពិសេសអាចជួយធ្វើឲ្យក្រចកទន់ ងាយស្រួលក្នុងការកាត់ចេញ។ *វិធីទី២៖ គ្រឿងផ្សំ៖ក្រូចឆ្មារ និងទឹកឃ្មុំ វិធីធ្វើ និងប្រើប្រាស់៖ -លាយទឹកក្រូចឆ្មារកន្លះស្លាបព្រាកាហ្វេ និងទឹកឃ្មុំកន្លេះស្លាបព្រាកាហ្វេ -បន្តក់ចូលតំបន់ដែលកើតត្រចៀកក្រាញ់។ វិធីនេះអនុវត្តក្រោយពេលកាត់ក្រចកហើយ -យកក្រណាត់រុំឲ្យជិត និងទុកចោលពេញមួយយប់ -អនុវត្តមួយថ្ងៃម្តង រៀងរាល់ល្ងាច រហូតដល់ជើងរបស់អ្នកជាសះស្បើយទាំងស្រុង។ ក្រូចឆ្មារ និងទឹកឃ្មុំ មានឥទ្ធិពលក្នុងការកម្ចាត់បាក់តេរីនៅលើស្បែក ព្រមទាំងមេរោគដែលឆ្លងនៅតាមក្រចកជើង។ **សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។ សម្រួលអត្ថបទដោយ៖ អ៊ាង សុផល្លែត