ផ្ទុះកង់រថយន្ត បណ្តាលឲ្យបុរសជនជាតិពីរនាក់ រងរបួសយ៉ាងធ្ងន់ធ្ងរ...
- 2255

កំពង់ស្ពឺ៖ កាលពីថ្ងៃទី២៧ ខែសីហា ឆ្នាំ២០១៨ មានករណីគ្រោះថ្នាក់ចរាចរណ៍មួយបានកើតឡើង ដោយខ្លួនឯង ដែលមូលហេតុបណ្តាលមកពីរថយន្តផ្ទុះកង់រ៉េចង្កូតធ្លាក់ផ្លូវ បណ្តាល​ឲ្យ​បុរស​ជនជាតិ​ចិន​ទាំងពីរ​នាក់​រងរបួស​ធ្ងន់ ដែលហេតុការណ៍នេះបានកើតឡើង នៅលើផ្លូវ​ជាតិ ៥១ ចន្លោះ​គីឡូម៉ែត្រ​លេខ១៤.១៥ ត្រង់ ចំណុច​ភូមិ​ស្តុក​ស្លាត​ ឃុំ​ភ្នំ​តូច ​ស្រុក​ឧដុង្គ ​ខេត្តកំពង់ស្ពឺ​។

បើតាមសម្តីរបស់សមត្ថកិច្ចបានប្រាប់ថា បុរសជនជាតិចិនម្នាក់មានឈ្មោះ LI ZHANG HUAN ភេទ ប្រុស សញ្ជាតិ ចិន ឆ្នាំ​កំណើត១៩៦៤កាន់​លិខិតឆ្លងដែន​លេខEB7151256 ផុត​សុពលភាព​ថ្ងៃទី២០ ខែវិច្ឆិកា ​ឆ្នាំ២០២៧ និង​អ្នករួមដំណើរ​ជាមួយ​ ឈ្មោះ​ ជ័​ង ​ឈី​ង​ អាយុ៥៤ឆ្នាំ បើករថយន្តម៉ាក HYUNDAI ពណ៌ ស ពាក់​ស្លាក​លេខ ភ្នំពេញ 2AV-0625 ខណៈពេលដែលកំពុងតែជិះនោះ ស្រាប់តែរថយន្តផ្ទុះកង់បណ្តាលឲ្យរ៉េចង្កូតធ្លាក់ផ្លូវ បណ្តាលឲ្យរងរបួសទាំងពីរនាក់តែម្តង។
ក្រោយពី​កើតហេតុ​អ្នករងរបួស​ទាំងពីរ​នាក់​ត្រូវបាន​រថយន្ត​សាមុយ​ដឹកយក​ទៅ​ព្យាបាល​នៅ​មន្ទីរសម្ភព​ថ្នល់ទទឹង។ចំណែក​រថយន្ត​ត្រូវបាន​នគរបាល​ជំនាញ​យកមក​រក្សាទុក​នៅ​អធិកា​រដ្ឋា​នគរបាល​ស្រុក​រង់ចាំ​ដោះស្រាយ​នៅពេល​ក្រោយ៕
ដោយ៖ អាខ្មៅ