ភ្នំពេញ៖ បន្ទាប់ពី​មាន​ការផ្សព្វផ្សាយ​នៅ​លើ​បណ្តាញ​សង្គម​ហ្វេ​សប៊ុក​បាន​បំផុស​ព័ត៌មាន​ដែលប​ង្ក​ការព្រួយបារម្ភ ខ្លាច​ប្រទេស​ថៃ​ចុះបញ្ជី​ល្ខោន​ខោល​របស់​ខ្មែរ​ធ្វើជា​របស់​ខ្លួន​នោះ ត្រូវបានឯកឧត្តម ថៃ នរៈ​សត្យា រដ្ឋលេខាធិការ និង​ជា​អ្នកនាំពាក្យ​ក្រសួង​វប្បធម៌ និង​វិចិត្រសិល្បៈ បង្ហាញក្តីសង្ឃឹមយ៉ាងមុតមាំថា «អង្គការ​យូណេស្កូ នឹង​ចុះបញ្ជី​ល្ខោនខោល​ជា​សម្បត្តិ​វប្បធម៌​តាម​សំណើ​របស់​កម្ពុជា»។

ការលើកឡើងរបស់មន្រ្ដីជាន់ខ្ពស់ក្រសួងវប្បធម៌ និងវិចិត្រសិល្បៈនេះគឺធ្វើឡើង បន្ទាប់ពីមាន ការផ្សព្វផ្សាយនៅលើបណ្តាញសង្គមហ្វេសប៊ុកបានបំផុសព័ត៌មានដែលបង្កការព្រួយបារម្ភ ខ្លាចប្រទេសថៃចុះបញ្ជីល្ខោនខោលរបស់ខ្មែរធ្វើជារបស់ខ្លួន។ ឯកឧត្ដម ថៃ នរៈសត្យា បានលើកឡើងថា ការបង្ហោះព័ត៌មានតាមបណ្ដាញទំនាក់ ទំនងសង្គមបែបនេះ គឺជាព័ត៌មានគ្មានមូលដ្ឋាន ហើយអ្នកបង្ហោះព័ត៌មានទាំងនោះ គ្រាន់តែ ចង់បានការចាប់អារម្មណ៍ ឬចង់បានការចែកចាយឱ្យបានច្រើនដើម្បីផលប្រយោជន៍ផ្ទាល់ខ្លួន តែប៉ុណ្ណោះ។ ឯកឧត្ដមបានបន្ថែមទៀតថា ចំពោះបញ្ហាការសម្រេចចិត្តរបស់អង្គការ យូណេស្កូ លើល្ខោនខោលថា ជារបស់ប្រទេសណាមួយនោះ សូមបងប្អូនប្រជាពលរដ្ឋខ្មែរទាំងអស់ ត្រូវមានការស្ងប់ស្ងាត់ និងសូមរង់ចាំលទ្ធផលផ្លូវការជាក់ស្ដែងជាលាយលក្ខណ៍អក្សរ​ចេញ ពីអង្គការ យូណេស្កូ នោះទើបមានអាចយកជាការបាន និងមានតម្លៃពិតប្រាកដ។ យ៉ាងណាមិញ យើងជាយុវជន យុវតី គួរតែចែករំលែក ល្ខោនខោលជារបស់ខ្មែរ ដើម្បីឲ្យពិភពលោកបានដឹង ព្រោះនៅសល់តែប៉ុន្មានខែទៀតប៉ុណ្ណោះ ការសំរេចចិត្តរបស់អង្គការសហប្រជាជាតិ UNESCO នឹងចេញលទ្ទផល សំរេចថា តើប្រទេសខ្មែរ ឫថៃ ដែលជាមរតកសិល្បៈបុរាណប្រទេសមួយណា។ ហើយថ្មីៗនេះ ក៏យើងសង្កេតឃើញថា មានការប្រើប្រាស់ ក្នុងបណ្តាញសង្គមហ្វេសប៊ុក Twitter និង Tik Tok ជាដើម និយាយថា ល្ខោនខោលជារបស់ខ្មែរពិតប្រាកដ។ ដោយអ្នកទាំងអស់គ្នាដែលមានគណនី Twitter ត្រូវបង្ហោះរូបភាពល្ខោនខោលរបស់កម្ពុជានៅលើ Twitter ហើយដាក់ថា #ItisCambodiaCulture ដើម្បីឲ្យពិភពលោកបានដឹងថាល្ខោនខោលជារបស់កម្ពុជា។ សម្រាប់អ្នកមិនមានគណនី Twitter សូមបង្កើតរួចក៏បន្តប្រើ Hastag (#) ហ្នឹងឱ្យបានច្រើនដើម្បីឲ្យឃ្លា #ItisCambodiaCulture បាន Trending នៅលើពិភពលោក៕