ភ្នំពេញៈ កាលពីវេលាម៉ោង១៥ៈ០០នាទីរសៀល ថ្ងៃទី៣០ ខែសីហា ឆ្នាំ២០១៨ នៅចំណុចភូមិ ព្រៃសណ្តែក សង្កាត់ចោមចៅទី២ ខណ្ឌពោធិ៍សែនជ័យ។ សមត្ថកិច្ចធ្វើការឃាត់ខ្លួន បុរសម្នាក់មានឈ្មោះ សួង ម៉ុល ភេទប្រុស អាយុ២៨ឆ្នាំ មុខរបរលក់ត្រី ស្នាក់នៅភូមិ.ឃុំខាងលើ។ បានបង្កហឹង្សាទៅស្រ្ដីម្នាក់ ដែលជាប្រពន្ធមានឈ្មោះ ហង្ស ស្រីមុំ ហៅទុំ ភេទស្រី អាយុ២១ឆ្នាំ មុខរបរលក់ត្រី ស្នាក់ជាមួយគ្នា់។ បណ្ដាលឲ្យរងរបួសកំភួនដៃស្តាំ និងស្នាមវាយហើមប៉ោង កែងដៃឆ្វេង ដោយសារជនសង្ស័យ វាយនិងដំបងឈើប្រវែង ០.៨០cm ។

បញ្ជាក់ ជនសង្ស័យធ្លាប់វាយប្រពន្ធជាច្រើនលើកច្រើនសារមកហើយ ហើយជនសង្ស័យក៏ជាមនុស្សប្រើប្រាស់ថ្នាំញៀនផងដែរ។ បច្ចុប្បន្នជនសង្ស័យត្រូវបាន នាំខ្លួនរួមទាំង វត្ថុតាង មកកាន់ ផ្នែកជំនាញយុត្តិធម៍ អធិការនគរបាលខណ្ឌពោធិ៍សែនជ័យ ដើម្បីឃុំខ្លួនជាបណ្តោះអាសន្ន សួរនាំបន្ត បញ្ចូនឡើងតុលាការ ចាត់ការតាមនិតិវិធីច្បាប់ ៕