ភ្នំពេញៈ តារាចម្រៀងដល់ល្បីលោក ខេមរ: សិរីមន្ត ទើបតែសម្រេចចិត្ត​ បណ្ដាក់ទុនលើជំនួញដីធ្លីក្ដៅៗ ជាមួយឧញ្ញាវ័យក្មេង ឡេង ណាវ៉ាតត្រា មិនទាន់បានប៉ុន្មានផង ស្រាប់តែលោក ប្រកាសឲ្យដឹងបន្ថែមទៀតពីមុខជំនួញបើកក្រុមហ៊ុនរបស់ខ្លួន កាលពីព្រឹកថ្ងៃ៣១ សីហានេះ ជាមុខជំនួញមួយថ្មី បន្ទាប់ពីលោកប្រឡូកអាជីពចម្រៀងក្នុងរយ:ពេលជាង១០ឆ្នាំ។

ថ្លែងនៅក្នុងថ្ងៃបើកសម្ពោធហាង «ថៃ ត្រាហ្គន» លោក ខេមរ: សិរីមន្ត បានថ្លែងថា ​លោកសម្រេចចិត្តបើកក្រុមហ៊ុននាំចូលទឹកអប់ម៉ាក Or Brand ជាទឹកអប់ថ្មីសន្លាងរបស់ពិភពលោក ដោយទិញប្រេនពីប្រទេសបារាំងដោយផ្ទាល់ ដោយមានជំនឿចិត្តយ៉ាងខ្លាំងថា មុខជំនួញនេះទទួលជោគជ័យ។ លោក ខេមរ: សិរីមន្ត និយាយថា «ការផលិតនេះទៀតសោត គឺខ្ញុំគិតថា ទទួលបានគុណភាពដើមទាំងស្រុង ជាប់បានយូរពេញមួយថ្ងៃ រហូតដល់ពេញ​២៤ ម៉ោង ឯណោះ។ ​មានក្លិនក្រអូបប្រហើរ ទាន់សម័យសមស្រប ទៅនឹងយុគសម័យដ៏ទំនើប នាពេលបច្ចុប្បន្ននេះ និង​ទៅអនាគត ពោលគឺជាជម្រើសសតែមួយគត់ សម្រាប់អតិថិជនដែលនិយមប្រើប្រាស់ ទឹកអប់ Or brand ទឹកអប់កំពូលសម្រាប់បុរស និង នារី» ៕