ភ្នំពេញ៖ នៅទីបំផុត ក្ដីស្រម៉ៃ របស់លោកឧកញ៉ា ឡេង ណាវ៉ាត្រា ដែលត្រូវគេស្គាល់ថា ជាម្ចាស់ផលិតកម្ម Galaxy និងជាតារាចម្រៀងផងនោះ ពេលនេះកំពុងតែកាក់កប់ជាមួយជំនួញដីធ្លី ។ ដោយសារតែមានភាពល្បីល្បាញ មានយុវជនម្នាក់មកពី ខេត្តពោធិ៍សាត់ច្រៀងចាប៉ី មានថ្វីដៃកេះ និងទឹកដមសម្លេង​ស្ទើរតែស្មើលោកតា ប្រាជ្ញ ឈួន អ្នក​ចាប៉ីដងវែង​ដ៏​ល្បីល្បាញ​ជាង​ពាក់កណ្តាល​សតវត្ស​រ៍ម​កនោះ ត្រូវលោកឧកញ៉ាអចលនទ្រព្យវ័យក្មេង ឡេង ណាវ៉ាត្រា ប្រកាសផ្តល់ថវិកា ២លានរៀល ដើម្បីលើកទឹកចិត្តដែលបានចូលរួមជួយថែរក្សានិងអភិរក្សតម្លៃវប្បធម៌ជាតិខ្មែរ ខណៈអ្នកលេងបណ្តាញសង្គម​ទទូចឲ្យបុរសវ័យក្មេងរូបនោះស្នងតំណែងពីលោកតា ប្រាជ្ញ ឈួន។

យោងតាមគណនីហ្វេសប៊ុកឈ្មោះ Soem Sovanna បានឲ្យដឹងថា បុរសដែលមានសមត្ថភាពកម្រច្រៀងចាប៉ីយ៉ាងក្រអួនក្រអៅត្រូវបានអ្នកស្គាល់ប្រាប់ថា «គាត់ជាពលរដ្ឋខ្មែរបម្រើការងារនៅប្រទេសកូរ៉េ តែប៉ុន្មានខែមកនេះលោកបានត្រលប់មកស្រុកខ្មែរវិញហើយ ដោយនៅស្រុកមួយនៃខេត្តពោធិ៍សាត់»។ លោក ឡេង ណាវ៉ាត្រា ដែលជោគជ័យធំក្នុងជំនួញអចលនទ្រព្យ ប្រកាសគ្មានបង្អង់ក្រោយស្តាប់សម្លេងបុរសរូបនោះថា «ប្អូនប្រុសទាក់ទងមក ការិយាល័យ បុរី ឡេង ណាវ៉ាត់ត្រា មកជួបខ្ញុំមានរង្វាន់ 2 000 000រៀល»។ ទស្សនាវីដេអូខាងក្រោម៖