បើតាមអាខោនហ្វេសប៊ុកអតីតចៅសង្កាត់អូរចារកញ្ញារូបស្រស់ រ៉ូហ្សេត កាលពីប៉ុន្មានម៉ោងមុននេះបានលើកយកវិធីសាស្រ្ដ៣យ៉ាងក្នុងការរក្សាកាបូបលុយឲ្យប៉ោង ។

វិធីសាស្ត្របីយ៉ាងនោះរួមមានដូចខាងក្រោម៖ 1- សន្សំ ដើម្បីឲ្យយើងមានលុយសល់ យើងត្រូវសន្សំ។ ចំណូលប៉ុន្មានក៏នឹងសល់ដែរ បើយើងយកវាមកសន្សំ ពោលដូចពាក្យមហាសេដ្ឋីមួយរូបពោលថា កុំសន្សំក្រោយចំណាយ តែត្រូវចំណាយបន្ទាប់ពីការសន្សំ។ ផ្ទុយទៅវិញ បើយើងមិនចេះសន្សំ ទោះមានចំណូលប៉ុនណា ក៏វានឹងមិនសល់ដែរ។ 2-ចេះចាយ ក្រៅពីសន្សំ យើងក៏ត្រូវចេះចាយផងដែរ។ ចាយត្រូវគិត គិតមុនចាយ ដោយយើងត្រូវដឹងថា អ្វីគួរចំណាយ និងអ្វីមិនគួរចំណាយ អ្វីចំណាយចាំបាច់ និងអ្វីចំណាយមិនចាំបាច់។ ការចាយវាយនេះ ក៏នឹងធ្វើឲ្យយើងសល់លុយនៅក្នុងកាបូបផងដែរ។ 3-វិនិយោគ លុយដែលសន្សំហើយ បើមិនយកមកវិនិយោគ ក៏វាមិនកើតជាកូនជាចៅដែរ។ លុយដែលយើងសន្សំ យើងត្រូវយកវាមកធ្វើអ្វីផ្សេងៗដើម្បីឲ្យវាបង្កើតលុយបន្តទៀត។ ការវិនិយោគនេះ យើងអាចយកវាមកដាក់សន្សំក្នុងធនាគារយកការប្រាក់ ឬយកមកបើករបររកស៊ី ឬ ពង្រីកការរកស៊ីដែលមានស្រាប់អោយល្អប្រសើរជាងមុនទៀត ។ល។ បីវិធីសាស្ត្រនេះ នឹងមិនធ្វើឲ្យយើងខ្វះលុយក្នុងការចាយឡើយ កាបូបលុយយើងនឹងហើមប៉ោងជានិច្ច៕ ប្រភព៖ ហ្វេសប៊ុក Sin Rozeth