នៅយប់ថ្ងៃទី០១​ ខែកញ្ញា ឆ្នាំ២០១៨នេះ ជាសប្ដាហ៍ទី 03 សម្រាប់វគ្គ The Blind Audition ក្នុងកម្មវិធីប្រឡងចម្រៀងកុមារលំដាប់ថ្នាក់ពិភពលោក The Voice Kids Cambodia រដូវកាលទី 2 ។

បន្ដមកនេះជាការបង្ហាញសមត្ថភាពរបស់បេក្ខជនកុមារា ឡេង ពៅ អាយុ 14 ឆ្នាំ មកពីខេត្តកំពង់ចាម ច្រៀងបទ «ឈឺចិត្តអ្វីម្ល៉េះ» ។ គួរបញ្ជាក់ផងដែរថា កុមារា ឡេង ពៅ បកស្រាយបទចម្រៀង «ឈឺចិត្តអ្វីម្ល៉េះ» បានយ៉ាងពិរោះក្រអួនក្រអៅរហូតធ្វើអោយគណៈកម្មការទាំងបីនាក់ចុចប៊ូតុងជ្រើសរើសទាំងអស់គ្នា ។ បន្ទាប់ពីបានស្ដាប់ទឹកដមសម្លេងកុមារា ឡេង ពៅ ព្រមទាំងគោះប៊ូតុងទាំងអស់គ្នាហើយគណៈកម្មបានព្យាយាមបញ្ចុះបញ្ចូលដើម្បីអោយប្អូនប្រុសចូលក្រុមរបស់គណៈកម្មរៀងៗខ្លួន ប៉ុន្តែចុងក្រោយប្អូនប្រុស ឡេង ពៅ ក៏បានជ្រើសរើស លោក ព្រាប សុវត្ថិ ដើម្បីធ្វើជាគ្រូបង្វឹករបស់ខ្លួន ៕