១. ខ្ទឹមស។ ខ្ទឹមស គឺជាភ្នាក់ងារប្រឆាំងនឹងផ្សិតដ៏មានប្រយោជន៍មួយ និងមានប្រសិទ្ធភាពកម្ចាត់មេរោគឆ្លងជាច្រើនប្រភេទ។ វិធីធ្វើ និងប្រើប្រាស់៖ -យកខ្ទឹមពីរកំពឹសដំកម្ទេចឱ្យម៉ដ្ឋ និងលាយជាមួយប្រេអូលីវប៉ុន្មានដំណក់ -លាបលើតំបន់ស្បែកដែលឆ្លងមេរោគ ហើយទុកចោលកន្លះម៉ោង -លាងសម្អាតជាមួយនឹងទឹកធម្មតា មិនត្រជាក់ពេក មិនក្ដៅពេក -ជូតត្រង់កន្លែងនោះឱ្យស្ងួត -ធ្វើបែបនេះពីរដងក្នុងមួយថ្ងៃ រហូតដល់តែរោគស្បែកគ្រប់ប្រភេទ។ ២.ប្រទាលកន្ទុយក្រពើ ប្រទាលកន្ទុយក្រពើ មានលក្ខណៈសម្បត្តិប្រឆាំងនឹងការរលាក បន្ទន់ស្បែក ប្រឆាំងបាក់តេរី និងផ្សិត។ ជាពិសេស វាជាឱសថល្អប្រសើរបំផុត សម្រាប់ការព្យាបាលបញ្ហាស្បែក បានយ៉ាងច្រើនប្រភេទ។ ក្រៅពីការព្យាបាល ប្រទាលកន្ទុយក្រពើ ជួយឲ្យស្បែកទន់ភ្លឺរលោង កាត់បន្ថយអាការៈរមាស់ និងបន្ថយស្នាមក្រហមផងដែរ។ វិធីធ្វើ និងប្រើប្រាស់៖ -កាត់យកជែល របស់ប្រទាលកន្ទុយក្រពើ រួចយកវាមកលាប នៅត្រង់បរិវេណដែលអាឡែហ្ស៊ី -ទុកចោល យ៉ាងហោចណាស់ ២០ នាទី រួចលាងទឹកចេញ -អ្នកអាចអនុវត្តមួយថ្ងៃ ៣ ដង រហូតទាល់តែស្នាមរោល រលុបបាត់អស់។ ៣.គ្រាប់ល្ហុង គ្រាប់ល្ហុង និងទឹកក្រូចឆ្មារ ជាដៃគូ ដ៏ល្អបំផុតសម្រាប់ព្យាបាលស្បែកអាឡែហ្ស៊ី។ វិធីធ្វើ និងប្រើប្រាស់៖ -យកគ្រាប់ល្ហុង ចេញពីផ្លែរបស់វា រួចយកមកកិនឲ្យម៉ដ្ឋ -ច្របាច់ ក្រូចឆ្មាមួយផ្លែចូល ជាមួយនឹងទឹកមួយស្លាបព្រាកាហ្វេ -កូរឲ្យសព្វ រួចលាបវាពីលើបរិវេណស្បែកប្រតិកម្ម -នេះជាវិធីសាស្រ្ត ដ៏មានប្រសិទ្ធិភាពបំផុត សម្រាប់ស្បែកអាឡែហ្ស៊ី! ៤.ប្រេងដូង ប្រេងដូង អាចជួយដល់ស្បែកប្រតិកម្ម ដែលមានសភាពស្ងួតខ្លាំងបាន។ ប្រេងដូង មានលក្ខណៈសម្បត្តិស្រដៀងទៅនឹង ប្រេងអូលីវដែរ ដោយសម្បូរវីតាមីន E។ ជាពិសេស ជួយឲ្យស្បែកភ្លឺ ដូចធម្មជាតិ។ វិធីធ្វើ និងប្រើប្រាស់៖ -យកប្រេងដូងមកលាបត្រង់បរិវេណអាឡែហ្ស៊ី (វានឹងស្ងួតដោយខ្លួនឯង) ឬគ្រាន់តែលាយប្រេងដូង ជាមួយទឹកក្តៅឧណ្ណៗមុជ ក៏បានដែរ។ ប្រភព៖ ៖ អ៊ាង សុផល្លែត