ប៉ូលិសចរាចរណ៍ស្តុបចំការមន មើលលែងឃើញរថយន្តដឹកខ្សាច់ហូរពេញផ្លូវហើយ? ឃើញតែឡាន តូច និងម៉ូតូអត់មួកអត់កញ្ចក់ទេ....(មានវីដេអូ)

ភ្នំពេញៈ នាពេលថ្មីៗនេះ បើក្រឡេកមើលទៅតាមដងវិថីនានាវិញ គឺលែងឃើញមានប៉ូលិសចរាចរណ៍ ឃាត់ទុកឬក៏ផាកពិន័យ ទៅលើអ្នកបើកបររថយន្តតដឹកខ្សាច់ និងដឹកដី ធ្វើឲ្យធ្លាក់ដី និងទឹកហូរចុះមកថ្នល់កក្លិកកក្លាក់ទៀតហើយ ពេលស្អិតជាប់ថ្នល់ ស្ងួតគឺហុយចូលភ្នែកចូលច្រមុះ ធ្វើឲ្យអ្នកធ្វើដំណើរពិបាកទ្រាំនៅពេលធ្វើដំណើរតាមផ្លូវម្តងៗ ហើយពេលភ្លៀងខ្លាំង ដីទាំងនោះក៏អាចជាចំណែកមួយហូរចូលលូធ្វើឲ្យកកស្ទះលូទៀតផង ។

យ៉ាងណាមិញនៅតាមបណ្តោយផ្លូវសម្តេចសុធារស កាត់មហាវិថីព្រះនរោត្តម ចំណុចភ្លើងស្តុបចំការមន គេឃើញមានរថយន្តជាច្រើន ដឹកខ្សាច់ហូរទឹកកក្លាក់ អាចធ្វើដំណើរឆ្លងកាត់ចំពោះមុខប៉ូលិសចរាចរណ៍ បានដោយសុវត្ថិភាព ។

ប្រជាពលរដ្ឋខ្លះលើកឡើងជាសំនួរថា តើប៉ូលិសមានសិទ្ធិឃាត់រថយន្តនេះដែរឬទេ ? ហេតុអ្វីប៉ូលិសចរាចរណ៍ធ្វើមិនដឹងលែងផាកពិន័យអស់ហើយ ? ឫចាំតែចាប់ផាកពិន័យអ្នកគ្មានពាក់មួកសុវត្ថិភាពនិងកញ្ចក់ម៉ូតូ រួមនិងអ្នកបើកបររថយន្តមិនពាក់ខ្សែក្រវ៉ាត់ជាង ?