ខេត្តកំពង់ស្ពឺៈ កាលពីវេលាម៉ោង៩ៈ៣០នាទីយប់ ថ្ងៃទី១២ ខែកុម្ភ: ឆ្មាំ២០១៩ ស្ថិតនៅក្នុងវត្តទួលគ្រួស ដែលស្ថិតនៅភូមិដំបូកខ្ពស់ ឃុំផុង ស្រុកបសេដ្ឋ ខេត្តកំពង់ស្ពឺ។ កូននេន៤អង្គ ត្រូវបានចៅអធិការវត្ត ធ្វើការចាប់ផ្សឹក បន្ទាប់ពីនាំគ្នាលួច ឆាន់គ្រឿងស្រវឹងក្នុងកុដ្ឋ។
លោកនេន០៤អង្គ បានលួចឆាន់គ្រឿងស្រវឹង ចំនួន១៤កំប៉ុង ស្រាបៀរកម្ពុជា និងហ្គេនស្បឺត នៅក្នុងកុដិ ក្នុងវត្តទួលគ្រួសតែម្តង ដែរមានព្រះនាម៖ ឈ្មោះ ម៉េង កាណៃ អាយុ១៦ឆ្នាំ រស់នៅភូមិគោកកណ្តាល ឃុំភក្តី ស្រុកបសេដ្ឋ, ឈ្មោះ សាយ ថង អាយុ១៤ឆ្នាំ រស់នៅភូមិដំបូកខ្ពស់ ឃុំផុង ស្រុកបសេដ្ឋ, ឈ្មោះ ឡុង ឆវ័ន អាយុ១៦ឆ្នាំ នៅភូមិគោកកណ្ដាល ឃុំភក្ដី ស្រុកបសេដ្ឋ និងទី និងឈ្មោះ រុន រ៉ាណា អាយុ១៨ឆ្នាំ រស់នៅភូមិគោកកណ្តាល ឃុំភក្តី ស្រុកបសេដ្ឋ ខេត្តកំពង់ស្ពឺ បច្ចុប្បន្នទាំង០៤អង្គស្នាក់នៅក្នុងវត្តទួលគ្រួសខាងលើ ។
លុះដល់ថ្ងៃទី១៣ ខែកុម្ភៈ ឆ្នាំ២០១៩ ការិយាល័យធម្មការ និងសាសនាស្រុកបសេដ្ឋ បានសហការជាមួយចៅអធិការវត្ត និងព្រះអនុគណស្រុក អនុវត្តតាមវិន័យសាសនា បានផ្សឹកនេនទាំង៤អង្គ បញ្ជូនទៅផ្ទះរៀងៗខ្លួន ៕
