គិតមកត្រឹមពាក់កណ្តាលឆ្នាំ២០១៩នេះ មានឧកញ៉ាចំនួន៣នាក់ហើយ ដែលបានជាប់ពន្ធនាគារ...

បើយោងតាមគណនីហ្វេសប៊ុករបស់លោក ផែង វណ្ណៈ បានបង្ហោះសារលើបណ្តាញសង្គមរបស់ខ្លួនថា "គិតមកត្រឹមពាក់កណ្ដាល ឆ្នាំ ២០១៩ មានឧកញ៉ាចំនួន ៣ នាក់ ហេីយបានជាប់ពន្ធនាគារដោយបទល្មេីសផ្សេងៗគ្នា ។

១- ឧកញ៉ា គិត ធាង ជាប់ពន្ធនាគារពីបទល្មេីស គ្រឿងញៀន ។ ( ថ្ងៃទី ១២ ខែ មិនា ២០១៩ )

២- ឧកញ៉ា សុខ ប៊ុន ជាប់ពន្ធនាគារ ពីបទល្មេីសក្លែង បន្លំយកដីរដ្ឋនៅកោះរ៉ុង ។ ( ថ្ងៃទី ២៥ ខែ មិថុនា ឆ្នាំ ២០១៩ )

៣- ឧកញ៉ា ស៊ឹង សំអុល ជាប់ពន្ធនាគារពីបទល្មេីសព្រៃឈេី ។ ( ថ្ងៃទី ១១ ខែ កក្ដដា ឆ្នាំ ២០១៩ ) ។

ការធ្វេីមានបានដោយអំពេីទុច្ចរិតមិនយូរមិនឆាប់នឹងត្រូវលាតត្រដាងជាមិនខាន ។ មានតែរបរសុចរឹតត្រឹមត្រូវទេដែលនាំអោយយេីងរស់នៅដោយសេចក្ដីថ្លៃថ្នូរនិងមានកិត្តិយស ។

គួរបញ្ជាក់ផងដែរថា នៅរសៀលថ្ងៃទី ១១ ខែ កក្ដដា ឆ្នាំ ២០១៩ សមត្ថកិច្ចកងរាជអាវុធហត្ថបានបញ្ជូនខ្លួន ឧកញ៉ា ស៊ឹង សំអុល និងបក្ខពួក៣នាក់ ឡើងតុលាការខេត្តមណ្ឌលគិរី ក្រោយពីចាប់ខ្លួនរឿងបទល្មើសព្រៃឈើនៅភូមិភាគឥសាន្ត ៕