កាលពីថ្ងៃម្សិលមិញនេះ នៅលើបណ្តាញសង្គមហ្វេសប៊ុករបស់លោក ផែង វណ្ណៈ បានបង្ហោះសារថា "ក្ដៅៗពីខេត្តក្រចេះ
លោក ឧកញ៉ា គង់ ក្រឹង មេឈ្មួញឈេីដ៏ល្បីល្បាញ ត្រូវចាប់ខ្លួន
ប្រភពច្បាស់ការពី សមត្ថកិច្ចកងរាជអាវុធហត្ថលេីផ្ទៃប្រទេសបានអោយដឹងថា ខណៈពេលនេះ ក្រោមការដឹកនាំបញ្ជាផ្ទាល់របស់លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ និងមានការសម្របសម្រួលពីអយ្យការ កម្លាំងអាវុធហត្ថខេត្តក្រចេះ បានធ្វើការឃាត់ខ្លួនបុគ្គលពាក់ព័ន្ធនឹងបទល្មើសព្រៃឈើចំនួន២រូប ក្នុងនោះមាន ជនសង្ស័យ ឧកញ៉ា គង់ ក្រឹង និងឈ្មោះ ម៉ាត់ ណាស៊ាត"។
ភ្លាមនោះក៏មានបងប្អូនជាច្រើន បានសម្តែងការសរសើរដល់សមត្ថកិច្ច និងមានការងឿងឆ្ងល់ចំពោះចំណាត់ការមួយនេះ ដោយមានប្អូនម្នាក់គាត់បានសួរថា "លោកពូ តើហេតុអ្វីគេមិនដាក់ខ្នោះដូចពលរដ្ឋម្ចាសដីដែលគាត់តវ៉ារឿងដីធ្លីចឹងលោកពូ ម្ចាស់ដីជាជនរងគ្រោះគេដាក់ខ្នោះ អ្នកប្លន់ដីវិញបែជាមិនអី និង ពួកឧក្រឹដ្ឋកម្មព្រៃឈើមិនមានដៃជាប់ខ្នោះទៅវិញ តើគេប្រើច្បាប់មួយណារទៅ លោកពូរឺមិនមានភស្តុតាងគ្រប់គ្រាន់ទៀតហើយ?"។
ប្រភព ៖ Pheng Vannak News
