តារាចម្រៀងប្រចាំផលិតកម្មរស្មីហង្សមាស អ្នកនាង ឪក សុគន្ធកញ្ញា ដែលជាអាយដល (Idol) របស់ពុកម៉ែ បងប្អូន បានធ្វើការចែករំលែកក្តីស្រលាញ់ ជូនដល់កុមារកម្ពុជា ដោយអ្នកនាង បាននាំយកថវិការ ក្រោយពីការលក់សំលៀកបំពាក់ របស់អ្នកនាង ទៅជូនដល់ មន្ទីរពេទ្យគន្ធបុប្ផា ចំនួន ៥,១៦៨,០០០ និង ៥,១៦៨ ដុល្លារ ។ ទឹកចិត្តដ៏ល្អមួយនេះ បានធ្វើឲ្យ Fan Fan ជាច្រើន បង្ហាញ ក្តីរំភើប ជាមួយការជូនពរដល់អ្នកនាង កូននៅក្នុងផ្ទៃ ឲ្យមានសុខភាពល្អ និងមានសេចក្តីសុខគ្រប់ពេលវេលា។
ដោយឡែកនៅក្នុងគណនីហ្វេសប៊ុករបស់អ្នកនាងបានបង្ហោះសារ នៅលើបណ្តាញសង្គម កាលពីថ្ងៃម្សិលមិញថា"នេះជាថវិកាបានមកពីការ "ទិញដើម្បីចែករំលែកក្តីស្រលាញ់" របស់បងប្អូនទាំងអស់គ្នា ថ្ងៃនេះនាងខ្ញុំបានយកមកប្រគល់ជូន មូលនិធិគន្ធបុប្ផាកម្ពុជា ??? អរគុណចំពោះការចូលរួមរបស់បងប្អូនគ្រប់គ្នា... ???"។
ទន្ទឹមនឹងនេះ ក៏មានបងប្អូនជាច្រើនបានបង្ហាញក្តីរំភើប និងអរគុណចំពោះទឹកចិត្តដ៏ល្អនេះ ព្រោះនេះជាចំណែកមួយដែលជួយដល់កុមារនៅកម្ពុជា ជាច្រើនអ្នក កំពុងតែត្រូវការជំនួយ និងការជួយពីមន្ទីរពេទ្យ ដោយសារតែមន្ទីរពេទ្យមួយនេះ ជាក្តីសង្ឃឹមរបស់អ្នកម្តាយគ្រប់រូប ពិសេសគឺជនទីទាល់ក្រ ដែលអាចយកកូនមកព្យាបាលបាន ។ មន្ទីរពេទ្យគន្ធបុប្ផា គឺជាកន្លែងជួយសង្គ្រោះជីវិតរបស់ក្មេងៗ គ្រប់រូប ពេលមានជំងឺឈឺ ថ្កាត់ ផ្សេងៗ ដែលប្រជាជនកម្ពុជាមានក្តីសង្ឃឹមជាងគេបង្អស់៕
ប្រភព៖ Aok Sokunkanha - ឱក សុគន្ធកញ្ញា