កាលពីថ្ងៃទី១៧ ខែតុលា ឆ្នាំ២០១៩ នេះ នៅលើបណ្តាញសង្គមហ្វេសប៊ុក របស់ កងទ័ពកម្ពុជា បានជូនដំណឹងដ៏បេក្ខជន បេក្ខនារី ដែលមានបំណងចង់ក្លាយជាទាហានបានមកដល់ហើយ ។ កងទ័ពកម្ពុជា បានជូនសេចក្តីដំណឹងដល់ប្អូនៗសម្រាប់សិស្សដែរទេីបនិងប្រឡងជាប់ឆ្នាំនេះ ដេីម្បីទទួលបានពាក្យសុំប្រឡង ចូលក្របខ័ណ្ឌ កងយោធពលខេមរភូមិន្ទ។
នៅក្នុងគណនីហ្វេសប៊ុក របស់កងកម្លាំងប្រដាប់ អាវុធ បានបង្ហោះសារថា "ប្អូនៗដែលស្រលាញ់ចង់ក្លាយជានាយទាហាន បានទៅយកពាក្យប្រលងហើយឬនៅ?
សូមជម្រាបជូនដល់ បេក្ខជនបេក្ខនារីទាំងអស់ ឲ្យបានជ្រាថា ៖សម្រាប់សិស្សដែរទេីបនិងប្រឡងជាប់ឆ្នាំនេះ ដេីម្បីទទួលបានពាក្យសុំប្រឡង ចូលក្របខ័ណ្ឌ កងយោធពលខេមរភូមិន្ទ
_បេក្ខជនទាំងពីភេទ ដែលមិនទាន់បានដក សញ្ញាបត្របណ្ដោះអាសន្នបាន ត្រូវភ្ជាប់មកជាមួយ កាតសិស្ស ឬស អត្តសញ្ញាណប័ណ្ណ ។
_សម្រាប់បេក្ខជនទាំងពីភេទ ដែលមានសញ្ញាបត្របណ្ដោះអាសន្នរួចហេីយនោះ ពេលសុំពាក្យ គ្រាន់តែភ្ជាប់មកជាមួយ សញ្ញាបត្រ បណ្ដោះអាសន្ន រួចជាការស្រេច។
នៅលើហ្វេសប៊ុករបស់កងទ័ពកម្ពុជា បានបន្ថែមទៀតថា "សេចក្ដីប្រកាសជ្រើសរើសនិស្សិតយោធា សម្រាប់បងប្អូនដែលចង់ចូលបម្រើកងទ័ព អាចទៅយក ពាក្យសុំចុះឈ្មោះប្រឡង ចាប់ពីថ្ងៃទី១៩ ខែ កញ្ញា ដល់ថ្ងៃទី ១៥ ខែវិច្ឆិកា ឆ្នាំ២០១៩ នៅសាកលវិទ្យាល័យការពារជាតិ រាជធានីភ្នំពេញ និងនៅទីបញ្ជាការយោធភូមិភាគទី១ ខេត្តស្ទឹងត្រែង យោធភូមិភាគទី២ ខេត្តកំពង់ចាម យោធភូមិភាគទី៣ ខេត្តកំពង់ស្ពឺ យោធភូមិភាគទី៤ ខេត្តសៀមរាប យោធភូមិភាគទី៥ ខេត្តបាត់ដំបង"។
អាស្រ័យហេតុនេះ សូមបងប្អូនដែលមានបំណងចង់ក្លាយជាទាហានដ៏ក្លាហានដើម្បីការពារទឹកដី សូមមកដាក់ពាក្យ ធ្វើជាទាហានទាំងអស់គ្នា៕
ប្រភព៖ កងទ័ពកម្ពុជា