ការប្រកួតបាល់ទាត់ជាតិកម្ពុជា CNCC សម្រេចយកថ្ងៃទី២៧ តុលា ដើម្បីធ្វើការប្រគល់ពានរង្វាន់ Metfone Cambodian League 2019 និងបំពាក់មេដាយដល់ក្លិបព្រះខ័នរាជស្វាយរៀង នាកីឡដ្ឋានខេត្តស្វាយរៀង ដែលជាការប្រគល់ពាននៅកីឡដ្ឋានផ្សេងពីពហុកីឡដ្ឋានជាតិលើកដំបូងបង្អស់ ក្នុងប្រវត្តិពានរង្វាន់មួយនេះ ដែលមានទឹកប្រាក់យ៉ាងច្រើនរហូតដល់ 60លានរៀល ស្មើ​នឹង​ 15000ដុល្លារ​អាមេរិក។

គួរបញ្ជាក់ផងដែរថា ការប្រកូតផ្តាច់ព្រាត់ គឺ ព្រះខ័នរាជស្វាយរៀងទទួលបាន៦គ្រាប់ VS អាស៊ីអឺរ៉ុបទទួលបាន ១គ្រាប់ប៉ុណ្នោះ នៅកីឡដ្ឋានខេត្តស្វាយរៀង។ ជាមួយគ្នានេះដែរ វាជាលើកទី១ក្នុងប្រវត្តិសាស្ត្រលីគកំពូលកម្ពុជា ដែលបានរៀបចំពិធីប្រគល់ពាន មុនរដូវកាលប្រកួតបញ្ចប់ជាផ្លូវការ។

នេះជាលើកទី១សម្រាប់ព្រះខ័នរាជស្វាយរៀង ក្នុងរយៈពេល៦ឆ្នាំចុងក្រោយ ដែលបានគ្រងជើងឯក Metfone Cambodian League ជាថ្មី។ គិតចាប់ពីពានរង្វាន់លីគកំពូលកម្ពុជាបង្កើតឡើងមក ព្រះខ័នរាជ ធ្លាប់គ្រងជើងឯកតែមួយលើកគត់នៅឆ្នាំ២០១៣ និងធ្លាប់ជាប់ជាជើងឯករង កាលពីឆ្នាំ២០១០ និង២០១៧កន្លងទៅ៕

ក្នុងនោះដែរ នេះជាតារាទឹកប្រាក់ដែលក្លឹបក្នុងប្រទេសនីមួយៗទទួលបាន៖

-ក្លឹប​ព្រះខ័នរាជស្វាយរៀង ជើងឯក​លីគកំពូល​កម្ពុជា 2019 ប្រាក់​រង្វាន់​ 15000​$

-ក្លឹប​ Lao Toyota FC ជើងឯក​លីគ​កំពូល​ឡាវ​ 2019​ ប្រាក់​រង្វាន់​ 34000$

-ក្លឹប​ Hanoi T&T ជើងឯក​លីគ​កំពូល​វៀតណាម​ 2019​ ប្រាក់​រង្វាន់​ 100000$

-ក្លឹប​ Chiang Rai United ជើងឯក​លីគ​កំពូល​ថៃ​ 2019​ ប្រាក់​រង្វាន់​ 330000$