នៅថ្ងៃទី ២៨ ខែវិច្ឆិកា ឆ្នាំ ២០១៩ នេះ ព្រឹត្តិការណ៍ដ៏មហាអស្ចារ្យ គឺការសម្តែងល្ខោនខោលខ្នាតធំ នៅទីលានជល់ដំរី ទឹកដីសៀមរាបអង្គរ ដើម្បីអបអរថ្ងៃគម្រប់ខួប១ឆ្នាំនៃការដាក់បញ្ចូលល្ខោនខោល ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ បានចាប់ផ្តើមសម្តែងហើយ ព្រមទាំងមានការចូលរួមទស្សនាផ្ទាល់ពីសំណាក់មហាជនយ៉ាងច្រើនកុះករ ស្ទើរមិនគួរឲ្យជឿ។
ជាមួយគ្នានេះដែរ កាលពីយប់មិញនេះ មន្ទីរទេសចរណ៍ខេត្តសៀមរាប បានមានការបញ្ជាក់នៅលេីទំព័រហ្វេសបុក ដោយមានខ្លឹមសារទាំងស្រុងថា៖ «យុទ្ធនាការគាំទ្រ ល្ខោនខោលកម្ពុជា សកម្មភាពហាត់សម ល្ខោនខោលកម្ពុជា ដើម្បីត្រៀមសម្តែងជូនទស្សនាក្នុងឱកាសខួបគម្រប់ ១ឆ្នាំ ក្រោយការដាក់បញ្ចូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ។ សូមអញ្ជើញចូលរួមទស្សនាដោយសេរី នៅទីព្រះលានជល់ដំរី ខេត្តសៀមរាប នាថ្ងៃទី២៨ ខែវិច្ឆិកា ឆ្នាំ២០១៩ វេលាម៉ោង៦.៣០នាទី ល្ងាច ។ សូមអរគុណ»។ សូមទស្សនាវិដេអូខាងក្រោម៖
