ភ្នំពេញ ៖ នៅតែផ្ទុះដដែលរឿងក្មេងទំនើងស្រីនាក់ដែលបានវា យធ្វើបាបទៅលើក្មេងស្រីម្នាក់ដែលជាសិស្សសាលា វិទ្យាល័យ ហ៊ុន សែន ប៊ុនរ៉ានី ផ្សារដើមថ្កូវ បន្ទាប់ពីបានធ្វើសកម្មភាពរួចក្មេងស្រីទាំង៤នាក់នេះ ត្រូវបានសម្ថតកិច្ចធ្វើការឃាត់ខ្លួនតែម្ដងបន្ទាប់ពីវិដេអូរបស់ពួកគេត្រូវបានមានការបែកធ្លាយនិងចែកចាយយ៉ាងព្រោងព្រាតនៅលើបណ្តាញសង្គមហ្វេសប៊ុក។
គួររំលឹកផងដែរថា យុវតី រងគ្រោះដោយសារគេវា យធ្វើបាបមានឈ្មោះថា ស្រ៊ុន កែវមរកត អាយុ១៤ឆ្នាំ រៀនថ្នាក់ទី៨ នៅវិទ្យាល័យ ហ៊ុនសែន ប៊ុន រ៉ានី ផ្សារដេីមថ្កូវ ចំណែកឯយុវតីជេីងខ្លាំងគឺមានម្នាក់រៀននៅវិទ្យាល័យទីតាំងកេីតហេតុខាងលើ និង៣នាក់ទៀតរៀននៅសាលាទួនហ្វា ។
ចំពោះករណីមួយនេះធ្លាប់បានដោះស្រាយចប់ម្តងហើយដោយខាងភាគីជនដៃដល់ទាំង៤នាក់នោះបានយល់ព្រមសងសំណងទៅកាន់ជនរងគ្រោះចំនួន២០០០ដុល្លារ ដើម្បីបញ្ចប់រឿង ហើយភាគីខាងជនរងគ្រោះក៏បានសម្រេចចិត្តទទួលយកសំណង២០០០ ដុល្លារនោះដើម្បីបញ្ចប់រឿងដូចគ្នាមិនចង់ឲ្យវែងឆ្ងាយខាតពេលវេលារៀងខ្លួន ។
តែយ៉ាងណាមិញចំពោះសំណង២០០០ ដុល្លារនេះបានធ្វើឲ្យមហាជនជាច្រើនមិនពេញចិត្តឡើយព្រោះវាហាក់ដូចជាមើលងាយមកលើជនរងគ្រោះពេកហើយ ព្រោះអីបើយោងទៅតាមវិដេអូមួយឃ្លីបនោះពួកគេបានវា យ ប្អូនស្រី ស្រ៊ុន កែវមរកត ស្ទើតែស្លា ប់ ទៅហើយ ដោយគ្មានក្តីអាណិតអាសូរមកលើជនរងគ្រោះបន្តិចសោះ ជនដៃដល់គួរតែទទួលទោសធ្ងន់ជាងនេះ ហើយជនដៃដល់ទាំង៤នាក់នោះធ្លាប់វា យ ធ្វើបាបគេជាច្រើននាក់មកហើយ មិនមែនតែប្អូនស្រី ស្រ៊ុន កែវមរកត ម្នាក់ទេ ។
នេះបើយោងទៅតាមគណនីហ្វេសប៊ុករបស់លោក ឯកឧត្តម ពេជ្រ ស្រស់ បានធ្វើការបង្ហោះជាសាធារណៈនៅមុននេះបន្តិចថា «ឯកឧត្តមរដ្ឋមន្រ្តីក្រសួងយុត្តិធម៌ទទួលយកសំណើររបស់ខ្ញុំនឹងបន្តបោសសំអាតអំពើពុករលួយនៅក្នុងប្រព័ន្ធតុលាការខ្មែរ ។ ពេជ្រ ស្រស់២១/០១/២០២០ » ៕