ភ្នំពេញ៖ សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា និង​គណៈប្រតិភូ​ជាន់ខ្ពស់​រាជរដ្ឋាភិបាល​កម្ពុជា បាន​អញ្ជើញ​ធ្វើ​ដំណើរ​ទៅ​ដល់ទី​ក្រុង​ប៉េ​កាំ​ង ប្រទេស​ចិន ប្រកបដោយ​សុវត្ថិភាព​ហើយ កាលពី​វេលា​ម៉ោងជាង​៣​រសៀល​ថ្ងៃ​ទី​៥ កុម្ភៈ​នេះ (​ម៉ោង​នៅ​រាជធានី​ភ្នំពេញ​) ។​

នៅមុននេះបន្តិចសម្តេច តេជោ ហ៊ុន សែន បានធ្វើការបង្ហោះសារនៅលើបណ្តាញសង្គមហ្វេសប៊ុករបស់សម្តេចថា «​នៅ​ពេល​នេះ សម្តេច​តេ​ជោ ហ៊ុន សែន បាន​អញ្ជើញ​មក​ដល់ទី​ក្រុង​ប៉េ​កាំ​ង នៃ​ប្រទេស​ចិន ប្រកបដោយ​សុវត្ថិភាព​ហើយ​។ អញ្ជើញ​មក​ទទួល សម្តេច​តេ​ជោ នៅ​ព្រ​លាន​យន្តហោះ​អន្តរជាតិ​ប៉េ​កាំ​ង រួម​គឺ​មាន លោក វ៉ាង យី រ​ដ្ធ​មន្ត្រី​ក្រសួងការបរទេស​ចិន និង​មន្ត្រីជាន់ខ្ពស់​ចិន​ជា​ច្រើន​រូប ព្រមទាំង​មន្ត្រី​ការទូត​កម្ពុជា ប្រចាំ​ប្រទេស​ចិន​ផង​ដែរ​។ នៅ​ល្ងាច​នេះ សម្តេច​តេ​ជោ​នាយករ​ដ្ធ​មន្ត្រី នឹង​អ​ញ្ជ​ញ​ជួប ជាមួយ​លោកនាយករ​ដ្ធ​មន្ត្រី និង​ប្រធាន​ស​ធិ​បតី​ចិន » ។

យ៉ាងណាមិញ សម្តេច តេជោ ហ៊ុន សែន មិនបានធ្វើដំណើរទៅកាន់ទីក្រុងវូហានបានទេ ព្រោះទីក្រុងនេះបានប្រកាសភាពអាសន្នបិទមិនឲ្យមានចរាចរណ៍ឆ្លងកាត់នៅក្នុងតំបន់នេះនៅឡើយ ហើយចំពោះនិស្សិតវិញក៏មិនត្រូវបានអនុញ្ញាតឲ្យចេញក្រៅពីទីកន្លែងរស់នៅបានដែរ៕