បើគាំទ្រ សូមកូនខ្មែរ ជួយស៊ែរបន្តផង ​មានការបំផុសគំនិត ឲ្យរៀបចំតម្លើងព្រះបរមឆាយាលក្ខណ៍ ព្រះមហាក្សត្រ ខ្មែរតាមដងផ្លូវទូទាំងប្រទេសកម្ពុជា
ស៊ីហៀង
- 7647

​ព្រះករុណា​ បាន​ព្រះរាជ​សម្ភព​នៅ​ថ្ងៃ​ទី​១៤​ ខែឧសភា​ ឆ្នាំ​១៩៥៣​។​ ព្រះ​អង្គជា​ព្រះរាជបុត្រ​ របស់​អតីត​ព្រះមហាក្សត្រ​ ព្រះបាទ​សម្ដេច​ ព្រះ​នរោត្ដម​ សីហ​នុ​ និង​សម្ដេច​ព្រះរាជ​អគ្គមហេសី​ នរោត្ដម​ មុនីនាថ​ សីហ​នុ​។​ ទ្រង់​ជា​ព្រះរាជបុត្រ​ច្បង​របស់​សម្ដេចព្រះ​នរោត្ដម​ សីហ​នុ​ និង​ព្រះ​មាតា​ព្រះ​នាម​ នរោត្ដម​ មុនីនាថ​ សីហ​នុ​ ព្រះ​អង្គ​មាន​ព្រះ​អនុជ​មួយ​ព្រះ​អង្គ​ ព្រះ​នាម​ នរោត្ដម​ ន​រិ​ន្ទ្រ​ពង្ស​ (​សោយ​ទិវង្គត​)​។​

សូមរំលឹកផងដែរថា ​នៅ​កាលពីថ្ងៃ​ទី​១៤​ ខែតុលា​ ឆ្នាំ​២០០៤​ ព្រះ​អង្គ​ត្រូវ​ជ្រើសតាំង​ឲ្យ​ឡើង​សោយរាជ្យ​ ដោយ​សមាជិក​ទាំង​ ៩​រូប​ នៃ​ក្រុមប្រឹក្សា​រាជ​ស​ម្ប​តិ្ត​ ក្រោយ​ពី​ដំណឹង​ដ៏​គួរ​ឲ្យ​ភ្ញាក់ផ្អើល​ នៃ​ការ​ដាក់រាជ្យ​របស់​សម្តេច​ព្រះបាទ​ នរោត្តម​ សីហ​នុ​ ព្រះ​បិតា​របស់​ព្រះ​អង្គ​។​ ការ​ជ្រើសតាំង​នេះ​ ទទួល​បានការ​យល់ព្រម​ ពី​ក្រុមប្រឹក្សា​រាជ​ស​ម្ប​តិ្ត​ ក្នុង​នោះ​ក៏​មាន​ សម្តេច​នាយក​រដ្ឋមន្ត្រី​ ហ៊ុន​ សែន​ និង​សម្តេចក្រុមព្រះ​ នរោត្តម​ រណ​ឬ​ទ្ធិ​ ដែល​កាលនោះ​ ជា​ព្រះប្រធាន​រដ្ឋសភា​ នៃ​ព្រះរាជាណាចក្រ​កម្ពុជា​ និង​ ជា​ព្រះ​រៀម​មាតា​ទីទៃ​ជាមួយ​ព្រះ​អង្គ​ ។​ សម្តេចព្រះ​បរមនាថ​ នរោត្តម​ សីហ​មុនី​ ទ្រង់​ឡើង​គ្រង​រាជសម្បត្តិ​នៅ​ថ្ងៃ​សុក្រ​ ២៩​ ខែតុលា​ ឆ្នាំ​២០០៤​។​

ជាមួយគ្នានេះដែរបើយោងទៅតាមគណនីហ្វេសប៊ុកមួយដែលមានឈ្មោះថា Yongsoeng Loeung បានធ្វើការលើកឡើងឲ្យដឹងនៅលើបណ្តាញសង្គមហ្វេសប៊ុកថា ៖ ដើម្បីបង្ហាញពីសេចក្តីគោរព ស្មោះស្ម័គ្រចំពោះព្រះមហាក្សត្រ កម្ពុជាគួររៀបចំតម្លើងព្រះបរមឆាយាលក្ខណ៍នៃព្រះអង្គ តុបតែងលម្អជាមួយសិល្បៈបុរាណខ្មែរ ប្រកបដោយប្រណិតភាព តាំងបង្ហាញនៅលើដងវិថីនានាក្នុងប្រទេសកម្ពុជា។ គូសវាស និងរចនាដោយ ៖ លឿង យ៉ុងសឹង្ហ ៕