ក្រសួងសុខាភិបាល ស្នើ​ឲ្យ​ម៉ាឡេស៊ី ពិនិត្យឡើងវិញ ចំពោះព័ត៌មាននិយាយថា​ ស្ត្រីជនជាតិអាមេរិក ម្នាក់មានផ្ទុកវីរុសកូរ៉ូណា បន្ទាប់ពីចាកចេញពីកម្ពុជា...
សីហា
-

ភ្នំពេញ៖ ក្រសួងសុខាភិបាលនៃព្រះរាជាណាចក្រកម្ពុជា ពិតជាមិនអស់ចិត្តចំពោះ ព័ត៌មាននិយាយថា  ស្ត្រី​ជនជាតិ​អាមេរិក​វ័យ​៨៣​ឆ្នាំ​ម្នាក់ មាន​ផ្ទុក​វីរុស COVID-19 បន្ទាប់ពី​ស្ត្រី​រូបនោះ ចេញពី​កម្ពុជា ទៅដល់​ម៉ាឡេស៊ី​។ ស្ត្រី​រូបនោះ ជា​អ្នកដំណើរ​ម្នាក់ លើ​នាវា Westerdam ដែល​កម្ពុជា អនុញ្ញាត​ឲ្យ​ចូល​ចត បន្ទាប់ពី​ត្រូវបាន​បដិសេធ​ដោយ​ប្រទេស​មួយចំនួន​។

យ៉ាងណាមិញ លោកវេជ្ជបណ្ឌិត Noor Hisham Abdullah បានអះអាងថា ស្ត្រីរូបនេះគឺស្ថិតក្នុងចំណោមអ្នកដំណើរនិងបុគ្គលិកបម្រើពីនាវាអាមេរិក ដែលបានចូលចតក្នុងប្រទេសកម្ពុជា កាលពីថ្ងៃព្រហស្បតិ៍កន្លងមក បានធ្វើតេស្ត ស្រ្តីជនជាតិ​អា​មេ​រិ​កាំ​ង​ ដែលមានអាយុ៨៣​ឆ្នាំ ទទួលលទ្ធផលវិជ្ជមាន ខណៈដែលប្តីរបស់នាងបានរួមដំណើរជាមួយនាងដែរ មិនទទួលលទ្ទផលអវិជ្ជមាន។

គួរបញ្ជាក់ផងដែរថា ​ក្រសួងសុខាភិបាល អះអាងថា មុននឹង​ចាកចេញ​ពី​កម្ពុជា ស្ត្រី​ជនជាតិ​អាមេរិក​រូបនោះ រួមទាំង​អ្នកដំណើរ​ផ្សេងទៀត ត្រូវបាន​ក្រសួងសុខាភិបាល​កម្ពុជា ពិនិត្យ​យ៉ាង​ល្អិតល្អន់ និង​បានធ្វើការ​ជាមួយ​អង្គការ​សុខភាព​ពិភពលោក​៕