ជួយចែករំលែក ! មន្ត្រីសុខាភិបាលបានប្រកាសថា មេរោគកូរ៉ូណាគឺអាចរស់នៅក្នុងអាកាសធាតុក្តៅបាន សូមមេត្តាការពារទាំងអស់គ្នា
ស៊ីហៀង
- 5342

កាលពីពេលកន្លងទៅនេះ មានប្រជាជនមួយចំនួនបាននិយាយតៗគ្នាថា ជំងឺកូរ៉ូណាគឺមិនឆ្លង ឬមិនអាចកើតមាននៅតំបន់ដែលមានអាកាសធាតុក្ដៅនោះ ។ ផ្ទុយទៅវិញបើយោងទៅតាម PNN News បានឱ្យដឹងថាមេរោគកូរ៉ូណាគឺអាចរស់នៅក្នុងអាកាសធាតុក្ដៅបាន ។ ជាការពិតណាស់កាលពីពេលថ្មីៗនេះអាហ្វ្រិកក៏មានអ្នកធ្លងកូរ៉ូណាផងដែរ ។

នៅក្នុងផេក PNN News លើកឡើងថា មិនថាប្រទេសដែលមានសីតុណ្ហភាពក្តៅ ឫ ត្រជាក់នោះទេ គឺសុទ្ធតែអាចប្រឈមនឹងការឆ្លងមេរោគ កូរ៉ូណាបានដូចគ្នា។ នេះជាការបញ្ជាក់យ៉ាងច្បាស់ ដើម្បីឆ្លើយតបការយល់ច្រលំ ដែលធ្លាប់​មានការលើកឡើងថា កូរ៉ូណាមិនកើតឡើងនៅក្នុងប្រទេសក្តៅនោះ ។ ជាក់ស្តែងណាស់គឺជំងឺកូរ៉ូណាបានឆ្លងរួចមកហើយនៅតាមបណ្តាប្រទេសដែលមានអាកាសធាតុក្តៅ ដូចជាប្រទេសអាហ្រ្វិក អ៊ឺរ៉ុង និងប្រទេសមួយចំនួនទៀត ។

លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាលបានប្រាប់​ PNN ថា​ មេរោគកូរ៉ូណា​ អាចឆ្លងបានទាំងនៅក្នុងប្រទេសដែល​មានសីតុណ្ហភាពក្តៅ​ និង​ ត្រជាក់ ។ ដោយឡែក​សម្រាប់កម្ពុជារហូតមកទល់ពេលនេះ​ គឺ​ពុំមានករណីឆ្លងកូរ៉ូណា​នោះទេ ។ទោះបីយ៉ាងណាក៍ដោយ​ លោកជំទាវបាន​ដាស់តឿនថា ប្រជាពលរដ្ឋត្រូវតែបង្កើន​ការប្រុងប្រយ័ត្នអោយបានខ្ពស់ជាទីបំផុត ដើម្បីការពារការឆ្លងជំងឺនេះ ។​

គួរបញ្ជាក់ថា គិតចាប់តាំងពីការផ្ទុះរាលដាលជំងឺដ៏កាចសាហាវនេះ នៅក្រុងវូហាន ខេត្ដ អ៊ូបេ ប្រទេសចិនមក មកទាល់ពេលនេះ នៅមិនទាន់មានថ្នាំ និងវ៉ាក់សាំងបង្ការនិងការពារជំងឺមួយនេះបាននៅឡើយទេ ។​ ខណៈដែលក្រុមអ្នកស្រាវជ្រាវនៅបណ្ដាប្រទេសធំៗ កំពុងស្វះស្វែងក្នុងការផលិតថ្នាំព្យាបាលជំងឺនេះ ៕ ប្រភព៖ Business Cambodia